«نەعۇرلىم ءتيىمدى ناتيجە شىعارۋ ءۇشىن جاسىل جەلەكتەردى وڭدەۋ جۇمىستارى تۇنگى 23:00-دەن 06:00-گە دەيىن جۇرگىزىلەدى», دەپ مالىمدەدى الماتى اكىمدىگىنىڭ ءباسپاسوز قىزمەتى.
ۆەدومستۆونىڭ اقپاراتى بويىنشا, بۇل ۋاقىت وڭدەۋ ءۇشىن قولايلى كەزەڭ. ويتكەنى كۇن ساۋلەسى بولماعان كەزدە زيانكەستەرگە اسەر ەتۋ تيىمدىلىگى ارتادى.
اكىمدىكتە مالىمدەگەندەي, وڭدەۋ ءۇشىن قازاقستاندا رۇقسات ەتىلگەن قاۋىپتىلىگى تومەن كلاستى بيولوگيالىق پرەپارات قولدانىلادى.
«پرەپاراتتاردىڭ ەرەكشە ءيىسى بار, بىراق قورشاعان ورتاعا, ادام دەنساۋلىعىنا, سونىمەن قاتار ءۇي جانۋارلارىنا, قۇستارعا زيان كەلتىرمەيدى», دەپ قوستى الماتى اكىمدىگىنىڭ ءباسپاسوز قىزمەتى.
جۇمىستار بۇكىل قالا بويىنشا جۇرگىزىلەدى, ءبىرىنشى كەزەڭ ءبىر ايعا سوزىلادى. كەلەسى ءۇش كەزەڭ ماۋسىم, شىلدە جانە تامىز ايلارىنا بەلگىلەنگەن.
ايانا توعانبەك
