ەكونوميكا • 14 ءساۋىر، 2022

قازاقستاننان 100 ميلليارد دوللار زاڭسىز شىعارىلعان

62 رەت كورسەتىلدى

ۇلتتىق ەكونوميكا ءمينيسترى الىبەك قۋانتىروۆ 30 جىل ىشىندە قازاقستاننان 100 ميلليارد دوللارعا جۋىق قاراجات زاڭسىز شىعارىلعانىن ايتتى، دەپ حابارلايدى Egemen.kz.

ورتالىق كوممۋنيكاتسيالار قىزمەتىندە وتكەن بريفينگتە ۇلتتىق ەكونوميكا مينيسترىنەن پرەزيدەنتتىڭ تاپسىرماسى بويىنشا قازاقستانعا قايتارۋدى جوسپارلاپ وتىرعان زاڭسىز شىعارىلعان كاپيتالدىڭ شامامەن سوماسىن اتاۋدى سۇرادى.

«سومالارعا كەلەتىن بولساق، بۇل قاي كەزەڭ ەكەنىنە بايلانىستى.  نەگىزىنەن، بىرنەشە ونداعان ميلليارد دوللار بار. ولاردى قايتارۋ تۋرالى دا ءتۇرلى مەحانيزمدەر قاراستىرىپ جاتىرمىز»، دەپ جاۋاپ بەردى قۋانتىروۆ.

ءمينيستردىڭ ايتۋىنشا، بۇدان باسقا كاپيتالدى قايتارۋدى شارالارى سالىق كودەكسىنىڭ تۇزەتۋلەر جوباسىنا ەنگىزىلگەن.

«ەگەر ءبىز، تىكەلەي شەتەلدىك ينۆەستيتسيالاردى تارتساق، ءبىزدىڭ كولەمىمىز 30 جىل ىشىندە 400 ميلليارد دوللاردان اسادى. وسىعان دەيىن ون ميللياردتان اسا قاراجات شىعارىلعان شىعار، بىراق ناقتى سومانى ايتۋ قيىن. مۇمكىن، شامامەن 100 ميلليارد دوللار بولۋى مۇمكىن»، دەپ جاۋاپ بەردى مينيستر.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار