اتاپ ايتقاندا, زاڭ جوباسىنا كەلەسى تۇزەتۋلەر ەنگىزىلگەن:
- الاياقتىق, قارجى پيراميدالارىن قۇرۋ, مونوپوليستىك قىزمەت, ەكونوميكالىق كونتراباندا, كەدەندىك باجداردى تولەۋدەن جالتارۋ, مەملەكەتتىك شەكارانى زاڭسىز كەسىپ ءوتۋ جانە قورعاۋ ەرەجەلەرىن بۇزۋ, زاڭسىز كوشى-قوندى ۇيىمداستىرۋ ءۇشىن قىلمىستىق جاۋاپكەرشىلىكتى كۇشەيتۋ;
- قاج مەكەمەلەرىندە, تەرگەۋ يزولياتورلارىندا, ۋۇي-دا ۇستالاتىن ادامداردىڭ ۇيالى بايلانىس قۇرالدارىن زاڭسىز بەرگەنى جانە پايدالانعانى ءۇشىن قىلمىستىق جاۋاپتىلىق ەنگىزۋ;
- جازانىڭ جەكەلەگەن تۇرلەرىن تاعايىنداۋ جانە ورىنداۋ ءتارتىبىن جەتىلدىرۋ (قىلمىستىق قاماۋعا الۋ ۇعىمىن ونى وتەۋ شارتتارىن جەڭىلدەتە وتىرىپ تۇزەتۋ);
- قىب ماسەلەلەرى بويىنشا تاۋەلسىز قوعامدىق كوميسسيالار قۇرۋ;
- سوتتاردان بىرقاتار وكىلەتتىكتەردى پروكۋراتۋرا ورگاندارىنا بەرە وتىرىپ, جەكەلەگەن ءىس جۇرگىزۋ جانە تەرگەۋ ارەكەتتەرىن سانكتسيالاۋ ءتارتىبىن جەتىلدىرۋ;
- قورعاۋ تاراپىنا قورعاۋ اكتىسى تۇرىندە سوتقا شوعىرلاندىرىلعان ءىس جۇرگىزۋ قۇجاتىن بەرۋ قۇقىعىن بەرۋ;
- تەرگەۋ ارەكەتتەرىن بەينەتىركەۋدىڭ ءىس جۇرگىزۋ ماڭىزدىلىعىن كەڭەيتۋ;
- سوتتالعاندارمەن ىنتىماقتاستىق تۋرالى پروتسەستىك كەلىسىم ينستيتۋتىن جەتىلدىرۋ;
- سوتقا دەيىنگى تەرگەپ-تەكسەرۋ نىساندارى مەن راسىمدەرىن, ونىڭ ىشىندە سوتقا دەيىنگى تەرگەپ-تەكسەرۋ ورگانى شىعاراتىن پروتسەستىك شەشىمدەردىڭ سانىن قىسقارتا وتىرىپ وڭتايلاندىرۋ.
بۇل ءۇشىن بيۋدجەت كودەكسىنە, قىلمىستىق كودەكسكە, قىلمىستىق ءىس جۇرگىزۋ كودەكسىنە, قىلمىستىق-اتقارۋ كودەكسىنە, «قازاقستان رەسپۋبليكاسىنداعى بانكتەر جانە بانك قىزمەتى تۋرالى», «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە, ارناۋلى ءۇي-جايلاردا ۇستاۋ ءتارتىبى مەن شارتتارى تۋرالى», «قازاقستان رەسپۋبليكاسىنداعى بانكتەر جانە بانك قىزمەتى تۋرالى» زاڭدارعا تۇزەتۋلەر ەنگىزۋ قاجەت.
زاڭ جوباسى جاريا تالقىلاۋ ءۇشىن 28 ساۋىرگە دەيىن اشىق نقا سايتىندا ورنالاستىرىلعان.
