سونداي-اق بيىل قوعامدىق كولىك باعىتىندا 30 جاڭا اۆتوبۋس قوسىلادى. وتكەن جىلى 40 جاڭا اۆتوبۋس اكەلىنگەن. بۇل تۋرالى بۇگىن بريفينگتە تۇركىستان قالاسىنىڭ اكىمى نۇربول تۇراشبەكوۆ ايتقان بولاتىن.
قالا باسشىسى بيىل تۇركىستان قالاسىندا ۇزىندىعى 46,4 شاقىرىم بولاتىن 40 كوشەگە ورتاشا جوندەۋ جۇرگىزۋ جوسپارلانعانىن اتاپ ءوتتى.
«2021 جىلى تۇركىستان قالاسىندا ۇزىندىعى 15,1 كم 11 كوشەگە ورتاشا جوندەۋ جۇرگىزىلدى.
سونىمەن قاتار, بيىل ۇزىندىعى 29,63 شاقىرىم بولاتىن 26 كوشەنى جوندەۋ جوسپارلانعان», دەدى نۇربول ءابدىساتتار ۇلى.
«سەنىمگەرلىك باسقارۋعا بەرۋ جەكە مەنشىككە بەرۋدى بىلدىرمەيدى. عيمارات اكىمدىك پەن جالعا الۋشى اراسىنداعى شارت نەگىزىندە بەلگىلى ءبىر ۋاقىتقا جالعا بەرىلەدى. جالعا الۋشى وبەكتىنىڭ نەگىزگى ماقساتىن ورىنداي وتىرىپ, عيماراتتى كۇتىپ ۇستاۋ بويىنشا جۇمىستاردى ورىنداۋعا مىندەتتەنەدى. سونداي-اق, شارتقا سايكەس عيماراتتا ءتۇرلى اقىلى قىزمەتتەر كورسەتۋگە بولادى. بۇل عيماراتتى جاڭعىرتۋعا جانە كاسىپكەرلىكتى دامىتۋعا سەرپىن بەرەدى», دەدى قالا اكىمى.
ايانا توعانبەك
