ماقسات حاكىم پاۆلودار وبلىسىنىڭ تۋماسى. قازاق ۇلتتىق تەحنيكالىق ۋنيۆەرسيتەتىندە «مۇناي-گاز قۇبىرلارى مەن مۇناي-گاز قويمالارىن جوبالاۋ, سالۋ جانە پايدالانۋ» ماماندىعى بويىنشا, كەيىننەن حيۋستون ۋنيۆەرسيتەتىندە «Master of Business Administration» ماماندىعى بويىنشا جوعارى ءبىلىم الدى.
ەڭبەك جولىن 2003 جىلى Chevron حالىقارالىق كومپانياسىنىڭ (حيۋستون ق., اقش) ينجەنەرى لاۋازىمىندا باستادى, سودان كەيىن AGIP KKO حالىقارالىق كومپانياسىنىڭ (لوندون ق., ۇلىبريتانيا) ينجەنەرى جانە ۇيلەستىرۋشىسى لاۋازىمىندا جۇمىس ىستەدى. توتال كومپانياسىندا (پاريج ق., فرانتسيا) ۇيلەستىرۋشى, كوممەرتسيالىق ديرەكتور, ال كەيىن «قازاقستان-قىتاي قۇبىر جەلىسى» جشس باس ديرەكتورىنىڭ ءبىرىنشى ورىنباسارى بولىپ جۇمىس ىستەدى.
«قازترانسويل» اق باس ديرەكتورىنىڭ كۇردەلى قۇرىلىس جانە كۇردەلى جوندەۋ جونىندەگى جونىندەگى ورىنباسارى, «قازقۇرىلىسسەرۆيس» اق دامۋ جونىندەگى باسشىسى, «لۋكويل لتسا» جشس اتقارۋشى ديرەكتورى لاۋازىمدارىن اتقارعان.
2019-2021 جىلدار كەزەڭىندە «اتىراۋ مۇناي وڭدەۋ زاۋىتى» جشس باس ديرەكتورىنىڭ كەڭەسشىسى لاۋازىمىن اتقاردى, قازىرگى ۋاقىتقا دەيىن «جولاۋشىلار تاسىمالى» اق اتقارۋشى ديرەكتورى بولىپ جۇمىس ىستەدى.
حاكىم قايىرگەلدى ۇلى ءوز تاجىريبەسىن قازاقستان رەسپۋبليكاسىنىڭ اۋماعىنداعى جانە شەتەلدەگى وندىرىستىك مۇناي-گاز كومپانيالارىندا قولداندى.
«قازترانسگاز ايماق» اق «QazaqGaz» ۇك» اق-نىڭ 100%-دىق ەنشىلەس كاسىپورنى. گازداندىرىلعان ون ءبىر وبلىس پەن رەسپۋبليكالىق ماڭىزى بار ءۇش قالادا تۇتىنۋشىلارعا تابيعي گازدى جەتكىزۋمەن, سونداي-اق وتكىزۋمەن اينالىسادى.
