ايماقتار • 13 ءساۋىر، 2022

الماتىدان مەملەكەتتىك بيۋدجەتكە تۇسەتىن قاراجات كولەمى ارتادى

21 رەت كورسەتىلدى

الماتى قالالىق مەملەكەتتىك كىرىستەر دەپارتامەنتى 1 توقسانىنىڭ قورىتىندىسى بويىنشا مەملەكەتتىك بيۋدجەتكە 929 ملرد تەڭگە مولشەرىندە سالىق تۇسىمدەرىن قامتاماسىز ەتتى. بۇل تۋرالى الماتى قالاسى بويىنشا مكد باسشىسى قانات باەدىلوۆ ايتتى، دەپ حابارلايدى Egemen.kz

سپيكەردىڭ ايتۋىنشا بۇل وتكەن جىلدىڭ سايكەس كەزەڭىمەن سالىستىرعاندا 153% - عا نەمەسە 322 ملرد تەڭگەگە ارتىق. بۇل قاراجاتتىڭ 675 ملرد تەڭگەسى رەسپۋبليكالىق بيۋدجەتكە تۇسكەن.

كورسەتكىش 2021 جىلعا قاراعاندا 237 ملرد تەڭگەگە ارتىق، ءوسۋ قارقىنى 154%. ال جەرگىلىكتى بيۋدجەتكە 254 ملرد تەڭگە ءتۇستى نەمەسە 86 ملرد تەڭگەگە ارتىق، ءوسۋ دەڭگەيى 151%. 

2021 جىلى الماتى قالاسىنىڭ بيۋدجەتىنەن رەسپۋبليكالىق بيۋدجەتكە شامامەن 190 ملرد تەڭگە الىنعان. 

بۇل كورسەتكىش الماتىنىڭ  بيۋدجەتكە «دونور» ەكەندىگىن كورسەتەدى. 

«بۇگىن ءبىز بەلگىلەنگەن قارقىندى ساقتاۋعا مىندەتتىمىز، بۇل جاعدايدا وسى جىلدىڭ قورىتىندىسى بويىنشا الماتى قالاسىنىڭ مەملەكەتتىك بيۋدجەتكە ءتۇسىمى العاش رەت ءۇش ترلن تەڭگەدەن اساتىن بولادى، بۇل ءبىز ءۇشىن ماڭىزدى وقيعا»، دەپ تۇيىندەدى ق. باەدىلوۆ.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار