ۆەدومستۆونىڭ ءباسپاسوز قىزمەتى ىزدەۋ جۇمىستارى جامبىل, قىزىلوردا جانە الماتى وبلىستارىنىڭ اۋماعىن قامتىعانىن, ونىڭ ىشىندە بەردىشوۆتىڭ تۋىستارىمەن بىرلەسە ۇزدىكسىز ىزدەۋ ءىس-شارالارى جۇرگىزىلگەنىن ايتتى.
ساربازدىڭ مەملەكەتتىك شەكارانى كەسىپ وتكەن-وتپەگەندىگىن تەكسەرۋ ءۇشىن قىرعىزستاننىڭ شەكارا ۆەدومستۆوسى دا حاباردار ەتىلگەن.
«9 ساۋىردە قىرعىز رەسپۋبليكاسىنىڭ شەكاراشىلارى شەكارا سىزىعىنان 2 شاقىرىم جەردە قالعان اسكەري كيىم ۇلگىسىنىڭ ەلەمەنتتەرى تابىلعانى تۋرالى حابارلادى. كەلەسى كۇنى شق جامبىل وبلىسى بويىنشا دەپارتامەنتىنىڭ باستاماسىمەن تابىلعان زاتتاردىڭ ورنىن قاراۋ ءۇشىن شەكارا وكىلدىگىمەن كەزدەسۋ ۇيىمداستىرىلىپ, ونىڭ بارىسىندا ۇ.ا.بەردىشوۆتىڭ ءمايىتى تابىلدى. اتالعان فاكت بويىنشا قىرعىز رەسپۋبليكاسى شۋ وبلىسى پانفيلوۆ اۋدانىنىڭ ءاىىب تەرگەۋ ءىس-شارالارىن باستادى. الدىن الا دياگنوزى: مەحانيكالىق اسفيكسيا, زورلىق-زومبىلىق ارەكەت بەلگىلەرى جوق», دەلىنگەن حابارلامادا.
ايتا كەتەيىك, بۇگىن, 11 ساۋىردە شەكارا قىزمەتى ساربازدىڭ ءمايىتىن اتا-اناسىنىڭ تۇرعىلىقتى جەرى بويىنشا قىزىلوردا وبلىسىنا جەتكىزىپ بەرەتىنىن مالىمدەدى.
