Polisia.kz پورتالىنىڭ مالىمەتىنشە, نۇر-سۇلتان قالاسى قاج دەپارتامەنتىنە قاراستى ەتس-166/1 مەكەمەسىنە 8 ءساۋىر كۇنى ك ەسىمدى ازامات تەرگەۋ يزولياتورىنا قاماۋعا الىنعان ا ەسىمدى ازاماتقا اس-اۋقات الىپ كەلگەن. مەكەمە قىزمەتكەرلەرى اس-اۋقات سالىنعان قالتانى تەكسەرۋ بارىسىندا ءبالىشتىڭ ىشىنە جاسىرىلعان NOKIA ۇيالى تەلەفونىن تاۋىپ, تاركىلەدى.
اتالعان دەرەك بويىنشا ك ەسىمدى ازاماتتان تۇسىنىكتەمە الىندى.
ونىڭ ايتۋىنشا, بالىشتەردى قاماۋداعى ازاماتتىڭ تانىستارى جەتكىزۋىن سۇراعان جانە بۇل بالىشتەردىڭ ىشىنە مەكەمە اۋماعىنا كىرگىزۋگە تىيىم سالىنعان زاتتاردىڭ بار ەكەنىن بىلمەگەن.
ۇيالى تەلەفوندى انىقتاۋ جانە تاركىلەۋ دەرەكتەرى بويىنشا قر اقك-ءنىڭ 481-بابىنا سايكەس دەرەكتەر جينالىپ, نۇر-سۇلتان قالاسى بويىنشا اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنا ءىس-قۇجات جولداندى.
