اقتوبەلىك NIS تۇلەگى الەمنىڭ ۇزدىك ۋنيۆەرسيتەتتەرىنەن شاقىرتۋ الۋ ءۇشىن ارنايى تەست تاپسىرمالارىن تاپسىردى. SAT Reasoning ەمتيحانىندا 1 430 ۇپاي جيناسا, اعىلشىن تىلىنەن IELTS تەستىنەن ورتاشا ۇپايى 7.5-كە تەڭ بولدى. كوپ تاڭداۋدىڭ ىشىندە ءبىر تاڭداۋ رەتىندە گۇلناز ازىرگە اقش-تىڭ كاليفورنيا شتاتىنىڭ كلارەمونت قالاسىندا ورنالاسقان Pitzer College-ءدى تاڭدادى. پيتتسەر كوللەدجى – كاليفورنيا شتاتىنىڭ كلارەمونت قالاسىندا ورنالاسقان بەس وقۋ ورنىنىڭ ءبىرى, وسى وقۋ ورىندارىنىڭ ءوزارا بايلانىسقان جۇيەسى بار. ماسەلەن, كلارەمونت قالاسىنداعى بەس ۋنيۆەرسيتەتتىڭ بىرىنە قابىلدانعان ستۋدەنت قالاداعى ءتورت ۋنيۆەرسيتەتتەگى قالاعان دارىستەرگە قاتىسا الادى. پيتتسەر كوللەدجى گۇلنازعا تەگىن وقۋمەن قاتار بىرنەشە الەۋمەتتىك پاكەت ۇسىندى. وسى وقۋ ورنى ستۋدەنت تۇراتىن ءۇيدىڭ اقىسىنا, تاماقتانۋى مەن مەديتسينالىق ساقتاندىرۋ شىعىندارىنا جىلىنا 85 مىڭ دوللار كولەمىندە گرانت ۇسىنعان.
جۇيەلى ءبىلىم مەن تىڭعىلىقتى دايىندىعىنىڭ ارقاسىندا گۇلناز امانجولوۆاعا وسىنداي كەڭ مۇمكىندىك اشىلدى. ول ءوز قۇرداستارىنا ماماندىق تاڭداۋ كەزىندە اسىقپاۋعا, قولدا بار بارلىق مۇمكىندىكتى جان-جاقتى تارازىلاپ قانا ارەكەت ەتۋگە كەڭەس بەرەدى. ونىڭ ارمانى – الەمدىك ۇزدىك وقۋ ورىندارىندا ءبىلىمىن شىڭداپ كەلىپ, ءوز وتانىنىڭ ءبىلىمدى ماماندارىنىڭ قاتارىن تولىقتىرۋ.
اقتوبە وبلىسى
