جارىستى ەكىنشى اينالىمنان باستاعان قازاقستاندىق تەننيسشى دۇنيەجۇزىلىك رەيتينگتە 42-ساتىدا تۇرعان ۋكراينالىق انگەلينا كالينينامەن شەبەرلىك بايقاستى. ءبىرىنشى پارتيادا ۋكراينالىق تەننيسشى ساتتىرەك وينادى – 6:4.
ەكىنشىسىندە رىباكينا ارتىعىمەن ەسە قايىردى – 6:2.
ءۇشىنشى, شەشۋشى سەتتى كالينينا 6:4 ەسەبىمەن جەڭدى.
ەكى ساعات 18 مينۋتقا سوزىلعان ماتچتا ەلەنا 10 ەيس جاساپ, 12 برەيك-پوينتتىڭ بەسەۋىن پايدالاندى. قارسىلاسى 2 ەيس, 5 برەيكپەن (11 برەيك-پوينت) كوزگە ءتۇستى.
تاعى ءبىر قازاقستاندىق, الەمنىڭ 46-راكەتكاسى يۋليا پۋتينتسەۆا ەكىنشى اينالىمدا رەيتينگتە وزىنەن ءبىر ساتى تومەن تۇرعان امەريكالىق اماندا انيسيموۆادان ۇتىلىپ قالدى – 1:6, 2:6.
