ءبىلىم • 07 ءساۋىر، 2022

وقۋشىلار قۇراستىرعان روبوتتار

2281 رەت كورسەتىلدى

اتىراۋداعى نازارباەۆ زيات­كەر­­لىك مەكتەبىندە وقيتىن تالاپتى وقۋشىلار بىرنەشە روبوت قۇراستىردى. ونىڭ ىشىندە قار مەن توزاڭدى تازالايتىن روبوت پەن ادام ميىنا تۇسەتىن كۇشتى انىقتايتىن داتچيك بار.

مەكتەپ وقۋشىلارى قۇراستىرعان تازالاۋ روبوتىنىڭ جۇمىس ىستەۋىنە ارنالعان باعدارلاما جاساۋعا مۇعا­لىمى دجون پول بەجەرانو كومەك­تەس­كەن. ونىڭ ايتۋىنشا، ماقسات – قىمبات ەمەس كۇن باتارەيالارىن تازالايتىن اۆتوماتتى جۇيە جاساۋ. كۇن باتارەياسىنىڭ پانەلىندە جينالىپ قالعان قار مەن شاڭ توزاڭدى تازارتۋ ءۇشىن روبوتتىڭ اينالىپ تۇراتىن ششەتكاسى بار. روبوتتىڭ كىشىگىرىم كۇن پانەلدەرى ارقىلى قۋات جينايتىن باتارەياسى بولادى.

كۇن ساۋلەسى پانەلدەرىن تازارتۋ جانە ولاردىڭ تازالاۋ مەحانيزمىن جاڭارتۋ ءۇشىن ارنايى قۇرىلعى جاساعان وقۋشىنىڭ ءبىرى – ابىلاي امانگەلدى ۇلى. وقۋشى وسى ۋاقىتقا دەيىن بىرنەشە قۇرىلعى ويلاپ تاپقان.

– بۇدان بۇرىن «كوۆيد ترەكەر» دەپ اتالاتىن باعدارلاما قۇراستىرعان ەدىم. بۇل باعدارلاما ارقىلى كوروناۆيرۋس ينفەكتسياسىنا بايلانىستى اقپاراتتى تابۋعا بولادى. ال ء«بىلىم ال» اتتى باعدارلامانى قازاق ءتىلىن ۇيرەنۋگە ارناپ جاسادىم. الداعى ۋاقىتتا جاس باعدارلاماشىلارعا ارنالعان باعدارلاما اشۋدى ويلاستىرىپ ءجۇرمىن، – دەيدى ابىلاي امانگەلدى ۇلى.

وقۋشىلار ميدىڭ بولىكتەرى مەن فۋنكتسيالارىنا زەرتتەۋ جۇرگىزىپتى. زەرتتەۋ ناتيجەسىندە كونتۋزيا­نى ەم­دەيتىن ترەناجەردىڭ اسەر ەتۋ كۇشىن تو­مەن­دەتەتىن مودەلدىك ميعا ارنالعان قورعانىس قالپاعىن جاساعان. قورعانىس قالپاعى سپورتپەن شۇعىلدانۋ كەزىندە ونىڭ قۇلاۋىنا جول بەرمەيتىن تەحنولوگيامەن جاب­دىق­تاۋعا باعىتتالىپ وتىر.

– ماكەتىمىزدە بەس سەنسور بولادى. بۇل ميدىڭ بەس بولىگىنە ارنالعان. ءار داتچيك ميدىڭ ءار بولىگىنە تۇسەتىن كۇشتى ەسەپتەيدى، – دەيدى 10-سىنىپ وقۋشىسى ايسۇلتان جۇماباي.

 

اتىراۋ وبلىسى

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار