ينفلياتسيا ءيىرىمى

ينفلياتسيانى تەجەۋدەگى ءبىز قايتا-قايتا پايدالا­نىپ وتىرعان قۇرال – بازالىق ستاۆ­كانى كوتەرە ءتۇسۋ. ۇلتتىق بانك­تىڭ اقشا-نەسيە ساياساتىن جۇرگىزۋ كوميتەتى ناۋرىزدا بازا­­لىق مولشەرلەمەنى 13،5 پايىز دەڭ­گەيىندە قالدىرعان ەدى. ءارى قاراي كوتەرە بەرۋ دە ءتيىم­سىز. ويت­كەنى بازالىق مول­شەرلە­مەنى ارت­تىرا بەرۋ بانك نەسيەلەرى­نىڭ دە پايىزىن كوتەرەدى. بۇل ءوز كە­زە­گىن­دە قاراپايىم حالىق­تىڭ نە­سيە جۇكتەمەسىن اۋىرلاتا­دى، وتەل­مەي جاتقان بەرەشەك كو­لە­مىن كوبەيتىپ جىبەرۋى ىق­­تي­مال.

تەلەگرامداعى FINANCEkaz ساراپ­شىلارى ەكونوميكانى جوعال­تىپ الماس ءۇشىن ينفليا­تسيا­نىڭ 12 پايىزدان اسىپ كەت­پەۋىنە جول بەرمەۋ قاجەت دەپ سانايدى.

Tengenomika ساراپشىلارى S&P اگەنتتىگىنىڭ قازاقستاننىڭ تاۋەلسىز رەي­تينگىن وڭ باعالاۋىن ينفليا­تسيا دەڭگەيىمەن بايلانىس­تىرا پىكىر بىلدىرەدى. اتال­عان حالىقارالىق اگەنتتىك قازاق­­ستاننىڭ تاۋەلسىز نەسيە رەي­تينگىن «ۆۆۆ»، ياعني «تۇراقتى» دەپ راستاعان بولاتىن.

«اگەنتتىكتىڭ كۇتۋىنشە جا­قىن ەكى جىلدا كۇشتى فيسكال­دى جانە سىرتقى بالانس، سون­داي-اق مۇناي مەن التىن­نىڭ جوعارى باعاسى قازاقستان ەكونوميكاسىنا اسەر ەتەر سىرت­قى كۇي­زەلىستەرگە تويتارىس بەرۋگە ءتيىس. سونىڭ ىشىندە، رەسەيدەگى رە­تسەس­سياعا دا قارسى تۇرار فاكتور­­لار وسى بولماق. سونىمەن قاتار رەسەيدەگى رەتسەس­سيانىڭ تارالۋ اسەرلەرى قازاق­ستاننىڭ ەكو­نوميكالىق وسىمىنە قىسىم جاسايدى، بيۋد­جەت­تىك كونسوليداتسيا قارقى­­نىن باسەڭدەتەدى جانە ماكرو­ەكونو­ميكالىق تۇراق­تىلىققا قىسىمدى كۇشەيتەدى. وسى نەگىزدە اگەنت­تىك قازاقستان ءىجو-ءسىنىڭ رەالدى ءوسىم بولجامىن الدىڭعى 3،6-دان وسى جىلى 2 پايىزعا دەيىن تومەن­دە­تىپ وتىر. ويتكەنى ەكسپورت قىس­­قارۋدا، ال ەكونوميكالىق بەل­­سەن­­دى­لىك باسەڭدەپ جاتىر. سەبەبى قازاقستاننىڭ نەگىزگى ساۋدا سەرىكتەسى رەسەيدىڭ ءىجو-ءسى 6،2 پا­يىزعا دەيىن قىسقارادى دەپ بولجانۋدا. الايدا 2023 جى­­لى بىزدەگى ءىجو-ءنىڭ رەالدى ءوسى­مى 3،5 پايىزدى قۇراۋى مۇم­­كىن. بۇل رەتتە S&P 2022 جىلى تۇتىنۋشىلىق ينفليا­تسيا دەڭ­گەيى 9،5 پايىزدى قۇراي­دى دەپ بولجايدى. سوسىن ءارى قا­راي بىرتىندەپ تومەن­دەي بەر­مەك. بىراق ناۋرىز ايىندا قالىپ­تاسقان 12 پايىز­دىق ينفليا­تسيانى ەسكەرەر بولساق، اگەنت­تىك­تىڭ بولجامىن الدەقايدا وپتي­ميستىك دەپ باعالاۋعا بولادى»، دەيدى ساراپشى.

ءبىر قىزىعى، بىرەر اي بۇرىن CFO Summit 2022 شاراسىندا Centras Securities باسقارما توراعاسى مۇرات اكينوۆ 2022 جىلى ينفلياتسيا 14-16 پايىزدى قۇرايدى، ال بازالىق ستاۆكا 7 پايىزعا دەيىن تومەندەيدى دەپ بولجام ايتقان ەدى.

«ۇلتتىق بانك تارگەتى بيىل ينفلياتسيا بويىنشا 4-6 پا­يىزدى قۇرايدى. بىراق ءبىز شىن مانىندە ول 14-16 پايىز­عا جەتە­دى دەپ ويلايمىز. ۇلت­تىق ۆاليۋتا دەۆالۆاتسياسى دا ينفليا­تسيا دەڭ­گەيىنە اسەر ەتەدى. ال بازا­لىق ستاۆكانىڭ ءوسۋى ەكو­نوميكاعا كەرى اسەر ەتەدى. سون­دىقتان ستاۆكا 7-9 پايىزعا دەيىن تومەندەيدى دەپ كۇتەمىز. تال­داۋشىلاردىڭ ايتۋىنشا، ەكو­نوميكانى قولداۋ ءۇشىن مۇن­داي قىمبات ستاۆكا­­نى ۇزاق مەر­زىم ۇستاپ تۇرۋ مۇم­­كىن ەمەس. سو­نى­مەن قاتار مۇن­­داي جوعارى دەڭ­گەي جاعدايىن­­­دا اقشا نارى­عى بەل­سەندى بولا ءتۇسىپ، بانك­تەر نەسيەلەۋ­دىڭ ورنىنا سول نا­رىق­قا بەت بۇرا باستايدى. ال وتاندىق وندىرۋ­شىلەر ءۇشىن جا­قىن ارادا نەسيەلەۋ ستاۆكاسى تومەن­دەتىلە­دى دەپ ويلايمىز. سون­داي-اق كور­پوراتيۆتى سەكتوردا دەفولت تاۋەكەلىن ازايتۋ ءۇشىن ۇلكەن جۇمىس جۇرگىزىلەدى»، دەدى م.اكينوۆ.