ەربول قاراشوكەەۆ پرەزيدەنت جۇكتەگەن تاپسىرمالاردىڭ ورىندالۋ بارىسى تۋرالى ايتتى.
اتاپ ايتقاندا, فەرمەرلەردىڭ كوكتەمگى ەگىس جۇمىستارىن جۇرگىزۋگە دايىندىعى تۋرالى حاباردار ەتتى. ۆەدومستۆو شارۋالاردىڭ جانار-جاعارماي, تىڭايتقىش, تۇقىم قورلارىمەن قامتاماسىز ەتىلگەندەرىن جانە تەحنيكالاردىڭ دايىندىعىن قايتا تەكسەردى. پرەزيدەنت وسى باعىتتاعى قارجىلاندىرۋ كولەمىن 2 ەسە ۇلعايتۋ تۋرالى شەشىم قابىلدادى. ءمينيستردىڭ ايتۋىنشا, قازىرگى ۋاقىتتا شارۋاشىلىقتار كوكتەمگى ەگىس ناۋقانىنا تولىق دايىن.
سونىمەن قاتار قاسىم-جومارت توقاەۆ اگروونەركاسىپتىك كەشەن جانە ۆەتەريناريا سالاسىن مەملەكەتتىك قولداۋ جۇيەسىن جەتىلدىرۋ, جەكە قوسالقى شارۋاشىلىقتاردى دامىتۋ ۇدەرىستەرىمەن تانىستى.
كەزدەسۋ سوڭىندا قاسىم-جومارت توقاەۆ ازىق-ت ۇلىك قاۋىپسىزدىگىن قامتاماسىز ەتۋ, وتاندىق تاۋارلاردى جاڭا نارىقتارعا شىعارۋ, اگرارلىق عىلىمدى دامىتۋ, كوكتەمگى ەگىستى ساپالى جۇرگىزۋ جونىندە بىرقاتار تاپسىرما بەردى. سونداي-اق جەردى ءتيىمدى پايدالانۋ ۇدەرىسىنە جانە پايدالانىلمايتىن جەرلەردى قايتارۋعا باقىلاۋدى كۇشەيتۋ قاجەتتىگىن اتاپ ءوتتى.
