«ەلىمىزگە تاۋار جەتكىزۋ نەمەسە تاۋار جونەلتۋ بويىنشا ەشقانداي ماسەلە تۋىنداپ وتىرعان جوق. رەسەي فەدەراتسياسى تاۋارلاردى وتكىزىپ جاتىر. شەتەلدىك پورتتار دا قازاقستاندىق تاۋارلاردى پروبلەماسىز قابىلداۋدا. ولاردىڭ باستى تالابى – تاۋار جانە ونى جەتكىزۋشى كومپانيا قازاقستاندىق بولۋى شارت. ايتا كەتسەك, ترانسكاسپي حالىقارالىق كولىك مارشرۋتىنىڭ اياسىن كەڭەيتۋدى قاراستىرىپ جاتىرمىز. كاسپيدەگى ءبىزدىڭ اقتاۋ جانە قۇرىق پورتىنان 10 ملن اقش دوللارىنىڭ تاۋارى تاسىمالدانادى», دەدى قايىربەك وسكەنباەۆ.
ۆەدومستۆو باسشىسىنىڭ ايتۋىنشا, تاۋار تاسىمالداۋدا ەشقانداي شەكتەۋ, كەدەرگى جوق.
