«پرەزيدەنتتىڭ ۇكىمەت الدىنا قويعان مىندەتتەرىن ىسكە اسىرۋ جانە رەسپۋبليكالىق بيۋدجەتتىڭ تەڭگەرىمدىلىگىن قامتاماسىز ەتۋ ءۇشىن 2022 جىلعا بەكىتىلگەن ۇلتتىق قوردان كەپىلدەندىرىلگەن ترانسفەرت مولشەرىن 4 ترلن 030 ملرد تەڭگەگە نەمەسە 1 ترلن 630 ملرد تەڭگەگە دەيىن ۇلعايتىپ, تۇزەتۋ ۇسىنىلادى», دەدى قر ۇلتتىق ەكونوميكا ءمينيسترى الىبەك قۋانتىروۆ.
ونىڭ ايتۋىنشا, وسىلايشا تۇزەتىلگەن ماكروەكونوميكالىق بولجام نەگىزىندە بيۋدجەت كىرىستەرى بويىنشا بولجام ناقتىلاندى.
«رەسپۋبليكالىق بيۋدجەتتىڭ كىرىستەرى ترانسفەرتتەردى ەسەپكە الماعاندا 2022 جىلى 10 ترلن 162 ملرد تەڭگە كولەمىندە باعالانادى, بۇل بەكىتىلگەن جوسپاردان 955 ملرد تەڭگەگە جوعارى. مۇنايعا ارنالعان ەكب بويىنشا نەگىزگى ءوسىم 597 ملرد تەڭگەگە, مۇنايعا بولجامدى باعانىڭ ءوسۋى, تەڭگە باعامىنىڭ اقش دوللارىنا جانە كورپوراتيۆتىك تابىس سالىعىنا وزگەرۋى اياسىندا باج مولشەرلەمەسىنىڭ ارتۋى ەسەبىنەن, ماكروەكونوميكالىق كورسەتكىشتەردىڭ ۇلعايۋى ەسەبىنەن 343 ملرد تەڭگەگە كۇتىلەدى», دەدى الىبەك قۋانتىروۆ.
سونىمەن قاتار ول 2022 جىلى بيۋدجەت تاپشىلىعىن 2 ترلن 978 ملرد تەڭگە نەمەسە وتكەن جىلى پايدالانىلماعان ترانسفەرتتەردى قايتارۋدى ەسكەرە وتىرىپ, ءجىو-ءنىڭ 3,3% دەڭگەيىندە انىقتاۋ ۇسىنىلعانىن ناقتىلادى.
«وسىنى ەسكەرە وتىرىپ, رەسپۋبليكالىق بيۋدجەتتىڭ شىعىستارىن تۇزەتىلگەن كولەمگە قاتىستى 2,7 ترلن تەڭگەگە ۇلعايتا وتىرىپ, 18 795 ملرد تەڭگە كولەمىندە ايقىنداۋ ۇسىنىلادى», دەدى مينيستر.
جالپى, ۇەم باسشىسى ۇلتتىق ۆاليۋتا باعامىن جانە مۇناي باعاسىن ارتتىرۋ جاعىنا قاراي قايتا قاراۋ ۇلتتىق قوردىڭ پارامەترلەرىنە وڭ اسەر ەتكەنىن اتاپ ءوتتى.
«مۇناي سەكتورىنان تۇسەتىن تۇسىمدەر كولەمى 4 833 ملرد تەڭگەگە دەيىن نەمەسە 1 431 ملرد تەڭگەگە ۇلعايۋمەن بولجانۋدا. كەپىلدەندىرىلگەن ترانسفەرتتەردىڭ قوسىمشا كولەمىن ەسكەرە وتىرىپ, ۇلتتىق قورعا تۇسەتىن تازا تۇسىمدەر 245 ملرد تەڭگەنى قۇرايدى. قوسىمشا الىپ قويۋلارعا قاراماستان, ۇلتتىق قوردىڭ نىسانالى كورسەتكىشتەرى فيسكالدىق شەكتەۋلەر شەگىندە ساقتالادى. قوردا تومەندەتىلمەيتىن قالدىق بەكىتىلگەن بولجامنان 0,8 پايىزدىق تارماققا ء(جىو-گە 31%) ۇلعايۋمەن ءجىو-گە 31,9% دەڭگەيىندە بولجانادى. ۆاليۋتالىق اكتيۆتەر 55,9 ملرد اقش دوللارى دەڭگەيىندە باعالانادى», دەپ ناقتىلادى قر ۇلتتىق ەكونوميكا ءمينيسترى.
