– جىلقىنىڭ ءولۋ سەبەبىن انىقتاۋ ءۇشىن 25 ناۋرىزدا جەرگىلىكتى ۆەتەرينارلار سىناما الىپ, ۇلتتىق ۆەتەريناريالىق رەفەرەنتتىك ورتالىققا تاپسىردى. اتالعان ورتالىق ماماندارى ولگەن جىلقىدا ينفەكتسيالىق جۇقپالى اۋرۋلار قاتارىنا جاتاتىن انەميا مەن رينوپنەۆمونيانىڭ بەلگىسى بولماعانىن انىقتادى. الايدا ۆەتەريناريا ماماندارى ولگەن جىلقىدان پارازيتتىك اۋرۋ بەلگىلەرىنە ۇقساس جاعدايدى بايقاعان. سوندىقتان وبلىستىق ۆەتەريناريالىق زەرتحاناعا پارازيتتىك اۋرۋدى انىقتاۋ ءۇشىن سىناما تاپسىرىلدى, – دەيدى ا.سالامات.
ونىڭ ايتۋىنشا, بىرنەشە تۇرعىننىڭ اۋىرعان مالىنا جەرگىلىكتى ۆەتەرينارلار ەمدەۋ جۇمىستارىن جۇرگىزۋدى قولعا العان. وبلىستىق اكىمدىكتىڭ شاقىرۋىمەن قازاق ۆەتەريناريالىق عىلىمي-زەرتتەۋ ينستيتۋتى مەن بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ ماماندارى كەلدى.
اۋىل شارۋاشىلىعى مينيسترلىگىنىڭ مالىمەتىنە سۇيەنسەك, 29 ناۋرىزدا الىنعان زەرتتەۋ ناتيجەسى جانۋارلاردا جۇقپالى اۋرۋ جوق ەكەنىن كورسەتكەن. قىزىلقوعا اۋدانىنداعى «ويتاڭ» شارۋا قوجالىعىنداعى قوي مەن ءىرى قارا مالدى ازىقتاندىرۋ جانە تاماقتاندىرۋ شارۋاشىلىعى تەحنولوگياسىن بۇزۋ سالدارىنان ولگەنى انىقتالعان. سونىمەن قاتار ماحامبەت اۋدانىنىڭ «مۋتيەۆ گ.د.» شارۋا قوجالىعى مەن قۇرمانعازى اۋدانىنىڭ تۇرعىنى سامات ەلەمەسوۆتىڭ مالىنىڭ قىرىلۋ دەرەگى بويىنشا ەپيزووتولوگيالىق تەكسەرۋ جۇرگىزىلىپ جاتىر.
اتىراۋ وبلىسى
