«قايعىلى قاڭتار وقيعالارىن تەرگەۋمەن ارنايى پروكۋرورلار باسشىلىعىمەن ۆەدومستۆوارالىق جەدەل تەرگەۋ توپتار اينالىسىپ جاتىر. ولاردىڭ وندىرىسىندە 262 قىلمىستىق ءىس بار. ونىڭ ىشىندە 44 تەرروريزم اكتىسى, جاپپاي تارتىپسىزدىك بويىنشا 47 ءىس قوزعالعان. وسى قىلمىستاردى ۇيىمداستىرۋشىلار مەن قاتىسۋشىلاردى انىقتاۋ جانە جاۋاپقا تارتۋ بوينىشا بارلىق قاجەتتى شارالار قابىلدانىپ جاتىر. بۇگىنگى تاڭدا 547 ادام جاپپاي تارتىپسىزدىكتى ۇيىمداستىرۋعا جانە وعان قاتىسقانى ءۇشىن كۇدىكتى دەپ تانىلدى. ونىڭ 269-ى قاماۋدا. جالپى ەل بويىنشا تەرگەۋ ورگاندارى 3702 قىلمىستىق ءىستى تەرگەۋ ۇستىندە. ونىڭ باسىم كوپشىلىگى ۇرلىق, توناۋ, قارۋلاردى جىمقىرۋ جانە باسقا قيىن ەمەس قىلمىستار», دەدى ول ورتالىق كوممۋنيكاتسيالار قىزمەتىندە ءوتىپ جاتقان بريفينگىدە.
سونداي-اق باس پروكۋراتۋرا وكىلى قاجەتتى تەرگەۋ ارەكەتتەرى جۇرگىزىلگەننەن كەيىن ىستەر سوتقا بىردەن جولدانىپ جاتقانىن اتاپ ءوتتى.
«وسى قىلمىستار ءۇشىن 152 ادام سوتتالدى», دەدى ەلدوس قيلىمجانوۆ.
