«قار ماسساسى جولدى تولىعىمەن جاۋىپ تاستادى. جاراقات العاندار جوق. قازىرگى ۋاقىتتا اۆتوجولدا اۆتوكولىكتىڭ بارلىق تۇرلەرىنە شەكتەۋ ەنگىزىلدى. وقيعا ورنىندا «قازاۆتوجول» جشس تەحنيكاسى جۇمىس ىستەۋدە», دەپ حابارلادى تجد.
«قازسەلدەنقورعاۋ» شقو فيليالىنىڭ ماماندارى اعىمداعى قىسقى كەزەڭدە پروفيلاكتيكالىق تۇسىرۋلەر شەڭبەرىندە 128 490 تەكشە مەترگە جۋىق قار تۇسىرگەن جۇمىستارعا قاراماستان, وبلىستا قار كوشكىنى قاۋپى ساقتالۋدا.
ەستەرىڭىزگە سالا كەتەيىك, وبلىستا 497 كوشكىن قاۋپى بار وشاقتار بار, ولاردىڭ 336-سى قۇرىلىستارعا, اۆتوجولدارعا جانە ادامداردىڭ ومىرىنە قاۋىپ توندىرەدى.
قازسەلدەنقورعاۋ جانە شقو تجد ماماندارى كوشكىن قاۋپى بار وشاقتاردان ءوتۋ كەزىندە تۇرعىندارعا وتە مۇقيات بولۋ, ولاردىڭ جانىندا توقتاماۋ, سونداي-اق داۋىلدى ەسكەرتۋ كەزىندە تاۋعا بارماۋ قاجەتتىگى تۋرالى ەسكەرتەدى.
ازىرگە وبلىستا داۋىلدى ەسكەرتۋ 7 ساۋىرگە دەيىن سوزىلدى.
توتەنشە جاعداي كەزىندە «112» ءنومىرى بويىنشا حابارلاسۋعا بولادى.
