«ەلوردانىڭ بەلسەندى دامۋىن ەسكەرە وتىرىپ, نوسەر كارىزدەرىن سالۋ - وزەكتى باعىت. قولدانىستاعى نوسەر كارىزدەرىنىڭ قۋاتى جەتكىلىكسىز ەكەنى بايقالدى. سول سەبەپتى بۇل ماسەلەنى قولعا الدىق.
مولودەجنىي شاعىن اۋدانىندا (تاشەنوۆ جانە اممان كوشەلەرىنىڭ قيىلىسى) جەتكىزۋشى كوللەكتورلاردى قايتا جوندەۋمەن تازارتۋ قۇرىلىسى سالىندى. جاڭا قۇرىلىستاردىڭ قۋاتتىلىعى تاۋلىگىنە 42 مىڭ تەكشە مەتردەن اسادى. اتالعان تازارتۋ عيماراتى تاشەنوۆ, باراەۆ, ءۋاليحانوۆ, پۋشكين, يمانباەۆا كوشەلەرىن, رەسپۋبليكا داڭعىلىن, تاۋەلسىزدىك داڭعىلىنىڭ جوعارعى بولىگىن سۋ باسۋ ماسەلەسىن شەشۋگە مۇمكىندىك بەردى.
بۇل تازارتۋ قوندىرعىسىنىڭ ەرەكشەلىگى - ەسىل وزەنىنە قۇيار الدىندا جاڭبىر مەن ەرىگەن سۋلاردىڭ تازارتىلۋىن قامتاماسىز ەتۋگە مۇمكىندىك بەرەدى. بۇرىن سۋ اعىندارى وزەنگە تىكەلەي كىردى, بۇل ونى لاستاپ قانا قويماي, سونىمەن قاتار قالانىڭ ەكولوگياسىنا تەرىس اسەر ەتتى. تازارتۋ قوندىرعىسىنىڭ جۇمىسى وتكەن جىلدىڭ كۇزىندە ىسكە قوسىلدى, تازارتۋ قوندىرعىسى جەر استىندا قاراستىرىلعاندىقتان, الاڭنىڭ ۇستىندە گۇلزار مەن كوگالداندىرۋ ايماعىن جابدىقتايمىز.
وزدەرىڭىز بىلەتىندەي, جاۋىن-شاشىن كەزىندە تولىعىمەن سۋ استىنا كەتكەن ەڭ پروبلەمالى ۋچاسكەلەردىڭ ءبىرى ب. مومىش ۇلى داڭعىلى بولدى. وندا ءبىز نوسەر كارىزدەرىنىڭ ماگيسترالدىق كوللەكتورىنىڭ قۇرىلىسىن اياقتادىق. بۇل نوسەر كارىزىنىڭ ۇزىندىعى 500 مەتردى قۇرايدى. جاڭا قۇرىلىس قولدانىستاعى نوسەر كارىزى جەلىلەرىنىڭ وتكىزۋ قابىلەتىن 1,5 ەسەگە ارتتىرۋعا مۇمكىندىك بەردى.
بۇعان دەيىن تەلمان ەلدى مەكەنىندە تازارتۋ قوندىرعىلارى مەن ماگيسترالدىق كوللەكتور سالۋ جۇمىستارى اياقتالعان بولاتىن. قۋاتتىلىعى - تاۋلىگىنە 36 مىڭ تەكشە مەتردەن استام.
سونداي-اق, تازارتۋ قۇرىلىستارى پريگورودنىي تم جانە الاش تاس جولى بويىنداعى لوگيستيكالىق ورتالىق اۋدانىندا سالىنعان. 2019 جىلى مىڭجىلدىق اللەياسى اۋدانىنداعى ەكى ۋچاسكەدە نوسەر كارىزى ماسەلەسىن شەشتىك.
الماتى اۋدانىندا (ش.قالداياقوۆ كوشەسى) سورعى ستانتسيالارى بار نوسەر كوللەكتورىنىڭ قۇرىلىسىن جۇرگىزىپ جاتىرمىز, ويتكەنى ونىڭ فۋنكتسياسىن سوڭعى بىرنەشە جىل بويى تۇرمىستىق كارىز ورىندادى, ول بىرنەشە رەت ىستەن شىقتى. جاڭا نوسەر سۋى وتكىزۋ قۋاتىن ەسەلەپ ارتتىرۋعا, جاقىن ماڭداعى كوشەلەر مەن ۇيلەردى سۋ باسۋدان ساقتاۋعا مۇمكىندىك بەرەدى.
نوسەر كارىزدەرى مەن تازارتۋ قۇرىلىستارىن سالۋ جانە قۋاتتىلىعىن كەڭەيتۋ بويىنشا جۇمىستاردى جۇيەلى دەڭگەيدە جۇرگىزىپ جاتىرمىز», دەپ جازدى ەلوردا اكىمى.
