باس پروكۋراتۋرا جادىناما ورگانعا ءوتىنىش بىلدىرگەندەردىڭ ماسەلەلەرىن جەدەل شەشۋگە كومەكتەسەدى دەپ ۇمىتتەنەدى.
«ازاماتتار مەملەكەتتىك ورگانداردىڭ پروبلەمالارىن تەزىرەك شەشۋ ءۇشىن ولاردىڭ قۇزىرەتىن ءبىلۋى كەرەك. سونداي-اق, پروكۋرور بارلىق سوت شەشىمدەرىنە نارازىلىق بىلدىرۋگە مىندەتتى ەمەس», دەلىنگەن ۆەدومستۆو حابارلاماسىندا.
قۇجاتتا قانداي وتىنىشتەر قارالۋعا جاتاتىنى, ال قايسىسى قارالمايتىنى ەگجەي-تەگجەيلى سيپاتتالعان. ونىڭ ىشىندە مەملەكەتتىك ورگانداردىڭ ءىس-ارەكەتتەرىنە (ارەكەتسىزدىگىنە) جانە شەشىمدەرىنە, ازاماتتىق جانە اكىمشىلىك ىستەر بويىنشا سوت اكتىلەرىنە شاعىمدارعا, سوت اكتىلەرىن ورىنداۋ ماسەلەلەرىنە, قىلمىستىق ىستەر بويىنشا سوت اكتىلەرىنە شاعىمدارعا, سونداي-اق تەرگەۋشىنىڭ, سوتقا دەيىنگى تەرگەپ-تەكسەرۋلەر بويىنشا پروكۋروردىڭ ارەكەتتەرىنە (ارەكەتسىزدىگىنە) جانە شەشىمدەرىنە, مەكەمەلەرگە جاسالعان ادامداردى ۇستاۋدىڭ زاڭدىلىعىنا وتىنىشتەر قىلمىستىق-اتقارۋ جۇيەسى جانە جازالاردى ورىنداۋدىڭ زاڭدىلىعى باياندالعان.
