قازاقستاندا تاۋ-كەن ءوندىرۋ سالاسىنىڭ كاسىپورىندارى قازبا جۇمىستارى مەن توننەلدەردىڭ كۇمبەزدەرىن نىعايتۋ ماقساتىندا پايدالاناتىن سۆپ 22 شاحتالىق تىرەۋىشتەردى ونەركاسىپتىك وندىرۋگە كىرىستى.
بىرەگەي بۇيىمداردىڭ ەلدەگى ءوندىرىسى تاۋ-كەن سالاسىن قازاقستاندىق وندىرىسپەن قامتۋدى ارتتىرىپ, وندىرىستىك ماتەريالدار مەن جابدىقتار يمپورتىن 90-95 پايىزعا قىسقارتۋعا مۇمكىندىك بەرەدى.
شاحتالىق جۇمىستار بارىسىنداعى قاۋىپسىزدىك, كەنشىلەردىڭ ءومىرى مەن دەنساۋلىعى كوبىنەسە شاحتا تىرەۋىشتەرىنىڭ سەنىمدىلىگىنە بايلانىستى بولادى. سوندىقتان زاۋىت وكىلدەرى ارنايى اۋىستىرىلاتىن پروفيل گوست-قا سايكەس شىعارىلاتىندىعىنا باسا نازار اۋدارادى.
سۆپ 22 پروفيلىنەن ساقينالى بەكىتكىشتەر مەن 3-5 بۋىننان تۇراتىن امبەباپ اركالى يىلگىش بەكىتپە جاسالادى, ولار ەرەكشە بەرىكتىكتى جانە جۇكتەمەگە ءتوزىمدى ماتەريالداردى قاجەت ەتەدى.
سونىمەن بىرگە سۆپ 22 شاحتالىق تىرەۋىشتەرىنىڭ بىرقاتار ارتىقشىلىعى بار. اتاپ ايتساق, پايدالانۋ مەرزىمىنىڭ ۇزاقتىعى, باستاپقى ءپىشىنىن وزگەرتپەي توپىراق سالماعىنا ءتوزۋ قابىلەتى, بۇيىمنىڭ وتقا توزىمدىلىگى مەن كۇردەلى جاعدايلاردا بىرنەشە رەت پايدالانۋ مۇمكىندىگى بار.
