قوعام • 01 ءساۋىر, 2022

قازاقستاندا بەنزين مەن ديزەل وتىنى ارزاندادى

326 رەت

كورسەتىلدى

1 مين

وقۋ ءۇشىن

قازاقستاندا اقپاندا بەنزين باعاسى 2021 جىلدىڭ جەلتوقسانىمەن سالىستىرعاندا 0,3 پايىزعا, ديزەل وتىنى 1,7 پايىزعا ارزاندادى, دەپ حابارلايدى Egemen.kz energyprom.kz سايتىنا سىلتەمە جاساپ.

گاۋھار قاپاش

قازاقستاندا بەنزين مەن ديزەل وتىنى ارزاندادى

2022 جىلعى قاڭتار-اقپاندا قازاقستاندا 795,3 مىڭ توننا بەنزين وندىرىلگەن. بۇل كورسەتكىش جىل بويى وزگەرگەن جوق. بۇل رەتتە ديزەل وتىنى ءوندىرىسى ءبىر جىلدا 9,7 پايىزعا وسكەن.

بيىل قاڭتاردا جەرگىلىكتى كاسىپورىندار بەنزينگە دەگەن سۇرانىستى تولىق, ديزەل سۇرانىسىن 96,4 پايىزعا قامتاماسىز ەتتى. جانار-جاعارمايدى ەكسپورتتاۋعا تىيىم سالىنعاندىقتان, ول ەكسپورتقا شىعارىلماعان. سالىستىرۋ ءۇشىن, 2021 جىلعى قاڭتار-جەلتوقسانىندا بەنزين ەكسپورتى - 100,9 مىڭ توننا, ديزەل وتىنى ەكسپورتى 223,3 مىڭ توننا بولعان.

2022 جىلعى اقپاننىڭ اياعىندا بەنزين باعاسىنىڭ جىلدىق ءوسىمى بىردەن 18,7 پايىز, ال ديزەل وتىنىنىڭ باعاسى بىردەن 44,2 پايىز بولدى. الايدا بۇل بىلتىر باعانىڭ ءوسۋى ناتيجەسى. بيىل اقپاندا 2021 جىلعى جەلتوقسانمەن سالىستىرعاندا بەنزين 0,3 پايىزعا, ديزەل وتىنى 1,7 پايىزعا ارزانداعان.

جىل بوي بەنزين باعاسىنىڭ ءوسۋى تۇركىستان وبلىسىندا (21,2 پايىز), جامبىل وبلىسىندا (20,1 پايىز), سونداي-اق بقو مەن الماتىدا (19,8 پايىز) كوبىرەك بايقالدى.

ديزەل وتىنىنىڭ قىمباتتاۋى بويىنشا باتىس قازاقستان وبلىسى كوش باستاپ تۇر - 72,5 پايىز. ۇشتىككە اقمولا جانە سولتۇستىك قازاقستان وبلىستارى دا كىرگەن.

اقپاندا ديزەل وتىنىنىڭ ورتاشا باعاسى ليترىنە 235 تەڭگە, قىستا 346 تەڭگە بولدى. اي-98 بەنزينى ليترىنە - 232 تەڭگە, اي-95/96 بەنزينى ليترىنە - 210 تەڭگە.