جاسىراتىنى جوق, ەلىمىزدە LogyCom-نىڭ كومپيۋتەرلەرىن پايدالانباعان ادام كەمدە-كەم. اتى الىسقا تاراعان كومپانيا قازىر باسقا باعىتتاردا دا ءونىمدى جۇمىس ىستەپ ءجۇر. ماسەلەن, LogyCom كورپوراتيۆتى بيزنەس ءۇشىن جوعارى تەحنولوگيالىق جوبالاردى ازىرلەپ, جۇزەگە اسىرۋدا الدىنا قارا سالعان ەمەس.
ءىت-اۋتسورسينگ سالاسىندا دا تاسى ورگە دومالاپ تۇر. بۇل رەتتە شاعىن جانە ورتا بيزنەستىڭ جەرگىلىكتى جەلىلەرىن دامىتۋدا كومپانيانىڭ قىزمەتىنە سۇرانىس جوعارى. سونداي-اق ەلىمىزدىڭ ءار وڭىرىندە سەرۆيستىك قىزمەت كورسەتۋ باعىتىن ۇسىنىپ وتىر. بۇل دا ماڭىزدى قىزمەت. ءتۇرلى باعىتتاعى ونلاين-پلاتفورمالاردى ازىرلەگەنىن دە بولە-جارا اتاپ ءوتۋ كەرەك. اتالعان باعىتتاعى جۇمىستاردى ءالى دە جالعاستىرىپ كەلەدى. وسى ورايدا ءبىز كومپانيا ۇسىنعان LogyCom Astrum جۇيەسىنە ەرەكشە توقتالماقپىز.
LogyCom Astrum – كاسىپورىندى باسقارۋدىڭ ERP-جۇيەسى. ول جەدەل جانە ستراتەگيالىق باسقارۋ مىندەتتەرىن رەتتەيدى. سونىمەن قاتار قارجىلىق جانە باسقارۋشىلىق ەسەپتى, ساتۋ تۇرلەرىن راسىمدەۋ, ينتەرنەت-دۇكەنمەن ينتەگراتسيا, كليەنتتەرمەن قارىم-قاتىناستى باسقارۋ, رەسۋرستاردى ءبولۋدى جانە ءوندىرىس قاجەتتىلىكتەرىن جوسپارلاۋ, لوگيستيكا مىندەتتەرىن وڭتايلى شەشەدى.
بۇدان بولەك, بۋحگالتەرلىك جۇيەگە باستاپقى دەرەكتەردى يمپورتتاۋ, قۇراستىرۋ ءوندىرىسى, سەرۆيستىك قىزمەت كورسەتۋ, نەگىزگى قۇرالداردى ەسەپكە الۋ, بيۋدجەتتەۋ, قويمالىق ەسەپكە الۋ, كادرلىق ەسەپكە الۋ سەكىلدى اۋقىمدى مىندەتتەر دە وسى جۇيەگە شوعىرلانعان. ءبىز سانامالاپ وتكەن مىندەتتەردىڭ قانشالىقتى اۋقىمدى ەكەنى ايتپاسا دا تۇسىنىكتى. LogyCom Astrum جۇيەسى وسىنىڭ ءبارىن ەش قيىندىقسىز رەتتەپ, بيزنەستىڭ جۇمىسىن ايتارلىقتاي جەڭىلدەتىپ وتىر.
LogyCom كومپانياسىنىڭ جوبا مەنەدجەرى تاتيانا بەلانوۆانىڭ ايتۋىنشا, كەز كەلگەن كاسىپورىننىڭ قىزمەتكەرلەرى قىزمەت بارىسىندا ءتۇرلى قيىندىقتارمەن بەتپە-بەت كەلەدى. مۇنداي كەدەرگىلەر نەگىزگى مىندەتتەردىڭ ورىندالۋىن باسەڭدەتىپ, كاسىپورىندى مول تابىستان ايىرۋى مۇمكىن. ادەتتە مۇنىڭ ءبارى قاجەتتى اقپاراتتى الۋعا كوپ ۋاقىتتىڭ جۇمسالۋىمەن, قىزمەتكەرلەردىڭ جۇمىس ۋاقىتىن دۇرىس ۇيىمداستىرا الماۋىمەن جانە ءوز فۋنكتسيالارىن ۋاقتىلى ورىنداماۋىمەن بايلانىستى.
– LogyCom Astrum جۇيەسى وسىنداي كەلەڭسىزدىكتەردى بولدىرمايدى. جۇيەنى توپ-مەنەدجەرلەردەن باستاپ كليەنتتەرمەن جۇمىس ىستەيتىن مەنەدجەرلەر, كوتەرمە جانە بولشەك ساۋدا كونسۋلتانتتارى مەن ساتۋشىلارى, قويما قىزمەتكەرلەرى, كەڭسە ماماندارى پايدالانا الادى. ياعني جۇيە ارقىلى كەز كەلگەن ۋاقىتتا كاسىپورىنداعى جۇمىستىڭ جاعدايى تۋرالى جەدەل اقپارات الۋعا مۇمكىندىك بەرىلەدى. ماسەلەن, كومپانيانىڭ تابىسى قاي تۇستان كوبەيگەنىن, شىعىنداردىڭ قاي باعىتتان شىعىپ جاتقانىن, قاي جەردە كەمشىلىك جىبەرىلگەنىن جانە ونىڭ نە ءۇشىن جىبەرىلگەنىن بايقاپ وتىرۋعا بولادى, – دەيدى تاتيانا بەلانوۆا.
ونىڭ ايتۋىنشا, كاسىپورىن باسشىسى جۇيە ارقىلى پايدا مەن شىعىنداردىڭ ەسەبىن, قاراجاتتىڭ قوزعالىسىن قاداعالاپ وتىرادى. ال توپ-مەنەدجەرلەر ءۇشىن اشىقتىق قامتاماسىز ەتىلگەن. ولار كاسىپورىن قىزمەتىن راسىمدەۋ, ءاربىر بيزنەس-پروتسەسس ءۇشىن جاۋاپتى ادامدى تاعايىنداۋ, ورىندالعان جۇمىستاردىڭ ساپاسى, ساتۋ كولەمى, كليەنتتەرمەن قارىم-قاتىناس جاساۋ ناتيجەسى بويىنشا ءار قىزمەتكەردىڭ بىلىكتىلىگى مەن ونىمدىلىگىن نەگىزدى تۇردە باعالاۋ مۇمكىندىگىنە يە. سونداي-اق جۇيەگە ەنگىزىلگەن اقپاراتتىڭ قۇپيا ساقتالاتىنىن دا اتاپ وتكەن ءجون. LogyCom Astrum كاسىپورىنعا قابىلدانعان جاڭا قىزمەتكەرلەردىڭ بەيىمدەلۋ پروتسەسىن جەدەلدەتەدى ءارى جەڭىلدەتەدى.
– سونىمەن قاتار جۇيەدە توپ-مەنەدجەرگە ءوز بيزنەسىن باقىلاۋدا ۇستاۋعا مۇمكىندىك بەرەتىن بىرقاتار ەسەپ ۇسىنىلادى. ماسەلەن, ماركەتينگ جانە لوگيستيكا ءبولىمىنىڭ مەنەدجەرلەرى ءۇشىن جەتكىزۋشىنى دۇرىس تاڭداۋ, ونىمەن قارىم-قاتىناس جاساۋ تاريحى, ساتىپ الۋدى جوسپارلاۋ, كليەنتپەن قارىم-قاتىناستىڭ تاريحى جانە سارالانۋى سەكىلدى ەسەپتەر بەرىلەدى. كاسىپورىننىڭ بارلىق قىزمەتكەرى ءۇشىن قاجەتتى اقپاراتتى الۋ, تاۋاردى قابىلداۋ جانە جونەلتۋ پروتسەستەرىن اۆتوماتتاندىرۋ, تاۋارلار مەن قاراجات قوزعالىسىن رەسىمدەۋدى اۆتوماتتاندىرۋ قىزمەتتەرى قولجەتىمدى. ال بۋحگالتەرلەر جۇمىس ءستيلىن اسا وزگەرتپەي-اق كۇندەلىكتى ناتيجەسىز جۇمىستاردىڭ كولەمىن ازايتا الادى, – دەپ ناقتىلادى LogyCom كومپانياسىنىڭ جوبا مەنەدجەرى.
بۇل رەتتە وسىنداي تاماشا جۇيەنىڭ تولىقتاي وتاندىق ازىرلەمە ەكەنىن اتاپ وتكەن ءجون. ونىڭ اۆتورلىعى LogyCom قىزمەتكەرلەر توبىنا تيەسىلى. جۇيەنى ازىرلەپ, جەتىلدىرۋمەن كومپانيانىڭ جاڭا تەحنولوگيالار جانە باعدارلامالىق ازىرلەمەلەر جاساۋ ءبولىمىنىڭ قىزمەتكەرلەرى اينالىسقان. اتاپ ايتقاندا, بۇل توپقا ءبولىم باسشىسى سەمەن بەرەسنەۆ جەتەكشىلىك ەتكەن. ازىرلەۋشىلەردىڭ قاتارىندا يۋري زىكوۆ, الەكسەي لاپين, ۆالەري مورچيك, دميتري پوجيتكوۆ, دانيار قاسىمجانوۆ, كونستانتين جاباسوۆ, ماكسيم كان, يليا افاناسەۆ, دميتري نيكيتوچكين, يليا موزجەرين, ەۆگەني ۆاسيلەۆ, قانات ايداروۆ, داۋرەن ورمانبەكوۆ, قانات جامبۋلاتوۆ, الەكساندر نەشەۆ بار.
كليەنت كومپانيالارعا جۇيەنى ەنگىزۋ, تەحنيكالىق قولداۋ جانە كونسالتينگ قىزمەتتەرىن دە LogyCom قىزمەتكەرلەرى جۇزەگە اسىردى. بۇعان يرينا سەرگەەۆا, توقجان توقتامىسوۆا, يۋليا روگوۆا, يرينا كولوميتسەۆا, يرينا مۋرزينوۆا, تاتيانا بەگۋن, نيۋدليا باسانگوۆا, كريستينا زوتينا, گۇلبارشىن بەلديۋباەۆا, كونستانتين كورولەۆ, الەكسەي پانوۆ, الەنا ساۆينكوۆا, يزياتبۋۆي زاكيروۆا, ەلەنا كۋليكوۆا سەكىلدى بىلىكتى ماماندار جاۋاپتى.
قازىرگى ۋاقىتتا كليەنتتەردى قولداۋمەن جانە كونسالتينگتىك قىزمەت كورسەتۋمەن باعدارلامالىق ازىرلەمەلەر جاساۋ ءبولىمىنىڭ جوبالاردى باسقارۋ توبى اينالىسادى. وعان ءلاززات قۇسايىنوۆا جەتەكشىلىك ەتەدى. جوبا مەنەدجەرلەرى تاتيانا بەلانوۆانىڭ, روزابۋۆي حۋدايبەرديەۆا مەن الەكساندرا كونوۆالوۆانىڭ دا ەڭبەگى زور.
كومپانيا بيللينگ جانە اۆياپاركتى باسقارۋ سالالارى ەسەبىنەن LogyCom Astrum جۇيەسىنىڭ قولدانۋ اياسىن كەڭەيتىپ, العا باستىرۋدى جوسپارلاپ وتىر.
وتاندىق ءىت-نارىقتا وزىندىك ورنى بار LogyCom – زاماناۋي كومپانيا. كومپيۋتەرلىك جانە تسيفرلىق تەحنولوگيالار نارىعىنداعى بىرەگەي ءبىلىم مەن مول تاجىريبەسىنىڭ ناتيجەسىندە كومپانيا IT-سالانىڭ كوشباسشىسى رەتىندە ۇلكەن بەدەلگە يە. كومپانيا نارىققا جوعارى تەحنولوگيالىق ونىمدەردى عانا ۇسىنباي, كۇردەلى ينفراقۇرىلىمدىق IT-جوبالاردى ازىرلەپ, ەنگىزۋدە.
LogyCom 2003-2021 جىلدار ارالىعىندا شامامەن 450 مىڭنان استام دەربەس كومپيۋتەر شىعاردى. بۇگىندە كومپانياعا تيەسىلى ەكى كونۆەيەرلىك قۇراستىرۋ جەلىسىنىڭ وندىرىستىك قۋاتى جىلىنا 900 مىڭنان استام دەربەس كومپيۋتەر مەن سەرۆەرلەر شىعارۋعا مۇمكىندىك بەرەدى. LogyCom ونىمدەرىنىڭ قازاقستاندىق قامتۋ ۇلەسى 25 پايىزدان جوعارى.
LogyCom شىعاراتىن جوعارى تەحنولوگيالىق ونىمگە ءۇش جىلدىق كەپىلدىك بەرەتىن ەل نارىعىنداعى جالعىز كومپانيا ەكەنىن دە ەستەن شىعارمايىق. دەمەك كومپانيا ءوز ءونىمىنىڭ ساپاسىنا سەنىمدى. حالىقتىڭ LogyCom-عا سەنىم ارتاتىنى دا سوندىقتان.
