كوميسسيا وتىرىسىندا پايدالانىلماي جاتقان اۋىل شارۋاشىلىعى ماقساتىنداعى جەرلەردى جۇمىس ىستەپ تۇرعان شارۋا قوجالىقتارىنا بەرۋ جانە نەگىزسىز جەكەشەلەندىرىلگەن وبەكتىلەردى مەملەكەت مەنشىگىنە بەرۋ تەتىكتەرى ماسەلەلەرى قارالدى.
قر اۋىل شارۋاشىلىعى ءمينيسترى ە. قاراشوكەەۆ جەردى ۇتىمدى ءارى ءتيىمدى پايدالانۋ جونىندە بايانداما جاسادى.
ەستەرىڭىزگە سالا كەتەيىك, 2022 جىلعى 3 قاڭتاردا مەملەكەت باسشىسى پايدالانىلمايتىن اۋىل شارۋاشىلىعى جەرلەرىن ماجبۇرلەپ الىپ قويۋ مەرزىمىن 2 جىلدان 1 جىلعا دەيىن قىسقارتقان زاڭعا قول قويدى.
كوسمومونيتورينگ ارقىلى مەملەكەتتىك باقىلاۋدىڭ جاڭا تەتىكتەرى ەنگىزىلدى. پايدالانىلماي جاتقان اۋىل شارۋاشىلىعى جەرلەرىنە سالىق مولشەرلەمەسى ەكى ەسە ءوستى.
ءمينيستردىڭ ايتۋىنشا, بارلىق وڭىرلەردە دەرلىك جايىلىم جەرلەر وتە وزەكتى ماسەلە بولىپ وتىر, الايدا 2019-2021 جىلدارى اتقارىلعان جۇمىستاردىڭ ناتيجەسىندە 8,1 ملن گا پايدالانىلمايتىن نەمەسە ماقساتتى پايدالانىلماي جاتقان اۋىل شارۋاشىلىعى جەرلەرى انىقتالدى. ءتيىستى شارالاردان كەيىن وسى كولەمنەن 3,4 ملن گا جەر تەلىمىن بۇرىنعى مەنشىك يەلەرى يگەرە باستادى. 2,1 ملن گا جەر مەملەكەت مەنشىگىنە قايتارىلدى. بۇگىندە 2,6 ملن گا جەرگىلىكتى اتقارۋشى ورگانداردىڭ قاراۋىندا.
سونىمەن قاتار 2021 جىلى اۋىل حالقىنا مال جايۋ ءۇشىن جايىلىم جەردىڭ قاجەتتىلىگى 21 ملن گا-دان 14 ملن گا-عا دەيىن, ونىڭ ىشىندە ۇيىمداستىرىلعان شارۋاشىلىقتارمەن مەموراندۋمدار جاساسۋ جانە ەلدى مەكەندەردىڭ شەكاراسىن كەڭەيتۋ ەسەبىنەن قىسقارتىلدى.
«مەملەكەت باسشىسىنىڭ تاپسىرماسىن ساپالى ءارى ۋاقىتىلى ورىنداۋ قاجەت. اۋىل شارۋاشىلىعى مينيسترلىگىنە جۇمىستى جانداندىرۋدى تاپسىرامىن. پايدالانىلماي جاتقان اۋىل شارۋاشىلىعى ماقساتىنداعى جەرلەر ناقتى جۇمىس ىستەيتىندەرگە بەرىلۋى ءتيىس», دەدى ءاليحان سمايىلوۆ.
سونداي-اق كوميسسيا وتىرىسىندا قارجى ۆيتسە-ءمينيسترى د. جانالينوۆ پەن باسەكەلەستىكتى قورعاۋ جانە دامىتۋ اگەنتتىگىنىڭ توراعاسى س. جۇمانعارين ەكونوميكانى مونوپولياسىزداندىرۋ ماسەلەسى تۋرالى باياندادى.
قر پرەمەر-ءمينيسترى قارجى مينيسترلىگىنە مۇددەلى مەملەكەتتىك ورگاندارمەن بىرلەسىپ, كەيىن كەزەكتى وتىرىستاردا قاراۋ ءۇشىن نەگىزسىز جەكەشەلەندىرىلگەن وبەكتىلەردى قايتارۋ تەتىكتەرى بويىنشا تالداۋ جۇرگىزىپ, كەلىسىلگەن ۇسىنىستار ازىرلەۋدى تاپسىردى.
