اتاپ ايتقاندا, اكتيۆتەردى قايتارۋ جونىندەگى ساياساتتى ازىرلەۋ, ونى ىسكە اسىرۋ ءۇشىن قاجەتتى قۇقىقتىق نەگىزدى قالىپتاستىرۋ, سونداي-اق وسى سالاداعى حالىقارالىق ىنتىماقتاستىقتى دامىتۋ قۇزىرەتىنە كىرەتىن اكتيۆتەردى قايتارۋ جونىندەگى ۇلتتىق ۇيلەستىرۋشىنى قۇرۋ كوزدەلەدى.
اكتيۆتەردى قايتارۋ جونىندەگى ۇلتتىق ۇيلەستىرۋشىنى قۇرۋ قازاقستاننىڭ جانە وسىنداي بولىمشەلەر جۇمىس ىستەپ تۇرعان كوپتەگەن دامىعان ەلدەردىڭ يۋريسديكتسيالارى اراسىنداعى سەنىم مەن جاقىندىقتى ىنتالاندىرادى.
بۇدان باسقا, بۇل سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ شەڭبەرىندە كوزدەلگەن نەگىزسىز بايۋ ءۇشىن جاۋاپكەرشىلىكتى ەنگىزۋدىڭ قيسىندى جالعاسى بولماقشى.
كاپيتالدىڭ جىلىستاۋىنا مونيتورينگ جۇرگىزۋ جانە بۇل تۋرالى ەل باسشىلىعى مەن ۇكىمەتتى حاباردار ەتۋ جونىندەگى كەلەسى قادام مۇددەلى مەملەكەتتىك ورگانداردىڭ كاپيتالدى زاڭسىز شىعارۋعا قارسى ءىس-قيمىل جونىندەگى بىرلەسكەن جۇمىسى بولادى.
قىلمىستىق كىرىستەردى شەتەلگە شىعارۋ ماسەلەلەرى ءتيىستى تۇزەتۋ شارالارىن قابىلداي وتىرىپ, تاۋەكەلدەردى ۇلتتىق باعالاۋ شەڭبەرىندە قارالادى.
سونداي-اق زاڭسىز قارجى اعىندارىنىڭ كولەمىن ەسەپتەۋ ادىستەمەسىن ازىرلەپ, ولاردى ودان ءارى تۇراقتى مونيتورينگىلەۋدى ەنگىزۋ جوسپارلانۋدا.
تۇجىرىمداما شەڭبەرىندە ۇسىنىلاتىن شارالار كەشەنى كۇدىكتى وپەراتسيالار جاساۋدى, كاپيتالدىڭ جىلىستاۋىن جانە تەرروريزمدى قارجىلاندىرۋمەن بايلانىستى باسقا دا زاڭسىز ءىس-ارەكەتتەردى قىسقارتۋعا باعىتتالعان.
قۇجات 13 ساۋىرگە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.
