«قالانىڭ اۋماعى, تۇرعىندارى مەن قۇرىلىس سانى جىل ساناپ ارتىپ كەلەدى. ەلوردا تۇرعىنى رەتىندە قالىڭ جاۋىن-شاشىن كەزىندە سىر بەرەتىن كارىزدەردىڭ جۇمىسىنا قاتىستى شاعىممەن كەلىسەمىن. بىزدە بار مالىمەتكە سايكەس, قالالىق اكىمدىك جاۋىن-شاشىن كارىزدەرىنىڭ سانىن ارتتىرۋ باعىتىندا شارا قولدانىپ جاتىر», دەدى يۋ. يلين ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
سونداي-اق, مينيستر قۇرىلىس جوباسىن جوسپارلاعان كەزدە جاۋىن-شاشىن كارىزدەرى ماسەلەسىن ەستەن شىعارماۋ كەرەكتىگىن ايتتى.
«بۇل جەردە ماسەلەنى ساۋلەتشىلەر مەن قۇرىلىس كومپانيالارىنىڭ الدىنا قويۋ كەرەك. تۇرعىن ءۇي, عيماراتتاردى تۇرعىزار كەزدە كارىز جەلىسىنىڭ قالاي جۇرەتىنىن الدىن الا جوسپارلاعان ءجون. ال ەگەر ءبىزدىڭ ۆەدومستۆونىڭ جۇمىسىنا قاتىستى ماسەلەگە كەلسەك. سۋ تاسقىنى قاۋپىنىڭ الدىن الۋ ماقساتىندا قالا ىشىنەن وتەتىن ەسىل وزەنىنىڭ ارناسى كەڭەيتىلىپ, تەرەڭدەتۋ جۇمىسى جۇرگىزىلدى», دەيدى ول.
