فوتو: nn-airport.kz
«قازىر اۋەجاي شتاتتىق رەجيمدە جۇمىس ىستەپ تۇر. بىراق رەيستەر كەشىگىپ جاتىر. 36 رەيستىڭ قونۋ, 28 رەيستىڭ ۇشۋ ۋاقىتى شەگەرىلگەن. 16 رەيس توقتاتىلدى. وعان ەلورداداعى اۋا رايىنىڭ قولايسىزدىعى جانە ۇشاقتىڭ كەشىگىپ كەلۋى سەبەپ», دەدى شالەكەنوۆ.
ول جولاۋشىلاردان اۋەجايدىڭ اقپاراتتىق قىزمەتتەرى مەن اۋەكومپانيانىڭ بايلانىس ورتالىقتارىنان رەيستەردىڭ كەشىگۋى, سونداي-اق توقتاتىلۋى تۋرالى اقپاراتتى ناقتىلاپ الۋدى سۇرادى.
«كەشەدەن بەرى اۋەجايدا, ونىڭ ىشىندە ۇشۋ-قونۋ جولاعىندا دا قار تازالاۋ جۇمىستارى ءجۇرىپ جاتىر. جولداردا كوكتايعاق بولعاندىقتان, جولاۋشىلاردان ساق بولۋدى سۇرايمىز», دەپ قوستى ول.
