اباي, ۇلىتاۋ, جەتىسۋ وبلىستارىنىڭ قۇرىلۋى حالىقتىڭ تولىق كوڭىلىنەن شىعىپ, كەڭ اۋقىمدا قولداۋ تاۋىپ وتىر.
سونداي-اق ساياسي جۇيە تولىعىمەن وزگەرەدى. پارتيالىق جانە ءبىر مانداتتىق سايلاۋ جۇيەسى ەنەتىن بولادى. وبلىستىق, كالالىق, اۋداندىق ءماسليحاتتار ءبىر مانداتتىق جۇيەمەن سايلانادى.
ءماسليحات توراعاسى لاۋازىمى ەنگىزىلەدى. پارتيالاردىڭ تىركەلۋىنە بەس مىڭ مۇشەسى بولسا جەتكىلىكتى بولماق. سايلاۋ كوميسسيالارىن قۇرۋ ءتارتىبى وزگەرەدى. اكىمدەردى باسەكەلەستىك نەگىزدە سايلاۋ تەتىگى ەنگىزىلەدى. پرەزيدەنتتىك باسقارۋ جۇيەسىنىڭ كوپتەگەن قۇزىرەتى پارلامەنتكە بەرىلەدى.
سەناتقا پرەزيدەنتتىڭ جارلىعىمەن تاعايىندالاتىن سەناتورلار سانى قىسقارادى. پرەزيدەنت, اكىمدەر پارتيادان تىس بولادى. مىنە, وسىلايشا قىسقاشا ايتساق, ساياسي جۇيە مۇلدەم وزگەرەدى. بۇل حالىقتىڭ تىلەگى, ۋاقىتتىڭ تالابى بولاتىن.
مۇرات باقتيار ۇلى,
سەنات دەپۋتاتى
