وسىعان دەيىن ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ تريبۋنالى Big Sky مۇناي كومپانياسىنىڭ قازاقستان رەسپۋبليكاسىنا قارسى بارلىق تالاپ-ارىز تالاپتارى بويىنشا باس تارتىپ, قورعاۋعا جۇمسالعان تورەلىك شىعىندار ءۇشىن قازاقستان رەسپۋبليكاسىنا شامامەن 575 مىڭ اقش دوللارى كولەمىندە وتەماقى تولەۋ تۋرالى شەشىم شىعارعان بولاتىن.
اپەللياتسيانىڭ مەرزىمى 2022 جىلدىڭ 24 ناۋرىزىندا اياقتالعانىن جانە Big Sky وسى شەشىمنىڭ كۇشىن جويۋ تۋرالى ءوتىنىش بىلدىرمەگەنىن ەسكەرە وتىرىپ, تورەلىك ەندى اياقتالدى دەپ سانالادى.
تورەلىك پروتسەسس بارىسىندا Big Sky كومپانياسى مەملەكەتپەن بايلانىسى جوق ءۇشىنشى تۇلعالارمەن جەكە كەلىسىمشارتتاردى ورىنداۋعا بايلانىستى 460,1 ميلليون اقش دوللارى سوماسىندا ەلەۋلى زالالدى قازاقستان رەسپۋبليكاسىنان ءوندىرىپ الۋعا تىرىستى. بۇل رەتتە Big Sky قازاقستان رەسپۋبليكاسى مەن اقش اراسىندا جاسالعان ينۆەستيتسيالىق كەلىسىمنىڭ («كەلىسىم») ەرەجەلەرىن بۇزۋ ورىن العان بولجامدارعا نەگىزدەلە وتىرىپ, مەملەكەتتەن زالالدى ءوندىرىپ الۋعا تىرىستى.
قازاقستان رەسپۋبليكاسى تريبۋنالعا كەلىسىمنىڭ ەرەجەلەرىن بۇزباعانىن جانە بارلىق تالاپ قويۋ تالاپتارى بويىنشا باس تارتىلۋعا ءتيىس ەكەنىن انىق كورسەتتى.
وسى ىستە قازاقستان رەسپۋبليكاسىنىڭ مۇددەلەرىن قازاقستان رەسپۋبليكاسىنىڭ ادىلەت مينيسترلىگى «Reed Smith LLP» زاڭ فيرماسىمەن بىرلەسىپ ءساتتى قورعادى.
بۇل شەشىمگە تۇسىنىكتەمە بەرە وتىرىپ, ادىلەت ءمينيسترى قانات مۋسين:
«تورەلىك تريبۋنالدىڭ شەشىمى قازاقستان رەسپۋبليكاسىنىڭ نەگىزدەلگەن ۇستانىمىن تولىق راستايدى. قازاقستان رەسپۋبليكاسىنىڭ وسى جانە باسقا دا تابىستارى تورەلىك تالقىلاۋلاردا مەملەكەتتىڭ مۇددەلەرىن قورعاۋ جونىندەگى ءتيىمدى ستراتەگيانى قامتاماسىز ەتۋ بويىنشا ۇزاق جىلدار بويى جيناقتالعان اۋقىمدى تاجىريبەنى كۋالاندىرادى. Big Sky ءالى كۇنگە دەيىن قازاقستان رەسپۋبليكاسىنا وعان بەرىلگەن, مەملەكەتتىك بيۋدجەتكە اۋدارىلۋى ءتيىس شىعىستاردى تولەمەگەن. قازاقستان رەسپۋبليكاسى شىعىستاردىڭ وتەمىن بەرۋ جونىندەگى شەشىمدى ورىنداۋ جونىندە ءتيىستى قادامدار جاسايدى. ادىلەت مينيسترلىگى ءتيىستى قۇقىقتىق تەتىكتەردى پايدالانا وتىرىپ, شەتەلدىك تورەلىكتەردە مەملەكەتتىڭ مۇددەلەرىن ءبىلدىرۋ جونىندەگى جۇمىستى جالعاستىرادى», دەلىنگەن حابارلامادا.
