تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بەيبىت يسمانوۆ ورمان وسىرۋمەن ءبىرىنشى رەت اينالىسپايتىنىن ايتتى. وتكەن جىلى 869 گا جەرگە 3,6 ملن دانا كوشەت وتىرعىزىلدى. وڭىردە ورمان ءوسىرۋ بويىنشا اقپارات ورمان وتىرعىزۋدى باقىلاۋ جانە مونيتورينگ بويىنشا ينتەراكتيۆتى كارتاعا ەنگىزىلەدى.
وتكەن جىلى مامانداندىرىلعان تەحنيكا مەن جابدىقتاردى ساتىپ الۋعا جەرگىلىكتى بيۋدجەتتەن 125 ملن تەڭگە ءبولىندى. 12 دوڭگەلەكتى تراكتور جانە 6 تىركەمەلى جابدىق ساتىپ الدىق. بيىل بۇل ماقساتقا 200 ملن تەڭگە ءبولىندى.
«ورمان رەسۋرستارىن ءورت پەن ورمان زيانكەستەرىنەن قورعاۋ ماڭىزدى. تابيعي ورتتەردىڭ الدىن الۋ جانە ءسوندىرۋ ماسەلەلەرى بويىنشا بارلىق مۇددەلى ورگاندارمەن ءوزارا ءىس-قيمىل جوسپارلارىن قابىلدادى. ومبى, قورعان جانە تۇمەن وبلىستارىنداعى ارىپتەستەرىمەن ءتيىستى كەلىسىمدەر جاساستى. ورمان اۋرۋلارى مەن زيانكەستەرىنىڭ وشاقتارىن انىقتاۋعا 8 ەلدى مەكەندە تۇراقتى مونيتورينگ جۇرگىزىلەدى», دەپ مالىمدەدى ب.يسمانوۆ.
سوڭعى ءۇش جىلدا ءورت ءسوندىرۋ ماشينالارى مەن مودۋلدەرىن ساتىپ الۋعا 372 ملن تەڭگە ءبولىندى.
