تۇرعامباەۆ سابىربەك بازارالى ۇلى 1964 جىلى تالدىقورعان وبلىسى, اندرەەۆ اۋدانى, جىلاندى اۋىلىندا دۇنيەگە كەلگەن. ول تالدىقورعان ەكونوميكالىق-تەحنولوگيالىق كوللەدجىن تابيعات اۋماعىن ەرەكشە قورعاۋ تەحنيگى ماماندىعى بويىنشا بىتىرگەن.
ەڭبەك جولىن 1979 جىلى «لەنين جولى» سوۆحوزىندا جۇمىسشى بولىپ باستاعان. 2010 جىلدان بەرى «جوڭعار الاتاۋى» مۇتپ الاكول فيليالىندا ورمانشى قىزمەتىن اتقارىپ كەلەدى.
سابىربەك بازارالى ۇلى ورمانشىلار وتباسىنان شىققان, اكەسى مەن اناسى دا بۇكىل ءومىرىن ورمان شارۋاشىلىعىنا ارناعان. ول ماماندىق تاڭداۋدا قاتەلەسپەگەن, ءوز ءومىرىن تابيعات قورعاۋ سالاسىنا ارناعان جان. جاستايىنان اكەسىمەن ءىس-ساپارعا ءجيى شىعىپ, تاجىريبەلى ماماننىڭ ورمانداعى ءومىرى, ونداعى اڭ-قۇستار تۋرالى اڭگىمەلەرىن تىڭداپ وسكەن, كەيىن وسى سالاعا قىزىعۋشىلىعى ارتىپ, جۇمىس ىستەۋگە بەكىنگەن.
سابىربەك بازارالى ۇلى ءوزىنىڭ قىزمەتتىك مىندەتىن وتە جوعارى دەڭگەيدە اتقارىپ كەلە جاتقان ازامات. جەتىسۋ وبلىسىنىڭ ۇلگى تۇتار ورمانشىسى دەپ ايتساق, قاتەلەسپەيتىنىمىز انىق. ءىس جۇزىندە مەملەكەتتىك ورمان قورىنىڭ ءاربىر قاراعايى, اۋماعى ءۇشىن جاۋاپ بەرۋگە دايىن ەكەنىن ۇدايى دالەلدەپ كەلەدى. ءوز سوزىندە «1979 جىلدان بەرى قىزمەت ەتىپ, قاسىمداعى قىزمەتكەرلەرگە ءوزىمنىڭ بىلگەنىمدى ۇيرەتىپ كەلەمىن. ءبىزدىڭ مىندەتىمىز – وتانىمىزدىڭ جاسىل ورمانىن, تابيعات بايلىعىن ساقتاۋ جانە قورعاۋ عانا ەمەس, سونىمەن قاتار ازاماتتارعا قورشاعان ورتاعا ۇقىپتى قاراۋدى ادەتكە اينالدىرۋدى ۇيرەتۋ. بۇل – ەڭ قيىنى. ەگەر ءسىز ادامدارمەن جۇمىس ىستەي الماساڭىز, وندا ءبىزدىڭ ماماندىعىمىزدىڭ قۇنى ەش بولعانى. بىراق ءسىز قاراعايلاردى كەسۋگە نەمەسە جان-جانۋاردى اتۋعا ۇمتىلعان ادامدى كەزدەستىرسەڭىز, وندا كۇن سايىن كىشىگىرىم قۇقىق بۇزۋشىلىقتارعا تاپ بولۋىڭىز مۇمكىن. اسىرەسە جاز مەزگىلىندە ءورت قاۋىپى ارتقان شاقتا تەك ارنايى بەلگىلەنگەن ايماقتارعا عانا بارۋعا بولاتىنىن, ازاماتتارعا ءورت قاۋىپسىزدىگى ەرەجەلەرىن ساقتاۋ قاجەت ەكەندىگىن تۇسىندىرۋدە تالماي جۇمىس اتقارۋىڭىز قاجەت. ادامداردىڭ جامان قىلىقتارى, تابيعاتقا دەگەن قۇرمەتتى جوعالتادى», دەگەن ەدى.
پرەزيدەنت الماتى اگلومەراتسياسىنا قاتىستى تۇيتكىلدەر كوپ ەكەنىن ايتقان. وبلىس تۇرعىندارى نەگىزىنەن قالا توڭىرەگىنە شوعىرلانعان. ۇزىناعاشتاعى نەمەسە تالعارداعى ماسەلەنى تالدىقورعاندا وتىرىپ شەشۋ وڭاي ەمەس.
«الماتى وبلىسىنىڭ ورتالىعىنا بارۋ ءۇشىن حالىقتىڭ بوسقا سابىلۋىنا تۋرا كەلەدى. وسى جانە باسقا دا جايتتاردى ەسكەرە وتىرىپ, الماتى وبلىسىن ەكىگە ءبولۋدى ۇسىنامىن. بۇل وڭىردە جەتىسۋ جانە الماتى وبلىستارى قۇرىلادى. الماتى وبلىسىنىڭ ورتالىعى قاپشاعايدا بولۋى كەرەك. ال جەتىسۋ وبلىسىنىڭ ورتالىعى تالدىقورعان قالاسى بولادى», دەدى مەملەكەت باسشىسى.
بۇل قادام ايماقتاردى دامىتۋ ىسىنە تىڭ سەرپىن بەرەدى, سونداي-اق وسى وڭىرلەرگە ەكونوميكالىق ءارى رۋحاني تۇرعىدان سەرپىلىس اكەلۋ جونىندەگى باستامالارى ەلدىڭ ارمان-تىلەگىمەن ۇندەسەدى.
ءادىل شەشىم. باقۋاتتى حالىق. اشىق قوعام. دامىعان ءوڭىر. ادىلەتتى زاڭ. وسىنىڭ بارلىعى شىنايى دەموكراتيانىڭ پرينتسيپتەرى. ال, پرەزيدەنتىمىزدىڭ جولداۋىندا مۇنىڭ بارلىعى قامتىلدى. سوندىقتان مەن بارشا قازاقستاندىقتاردى بىرلىككە ۇندەپ, پرەزيدەنت باستامالارىن قولداۋعا شاقىرامىن!
مەملەكەت باسشىسىنىڭ ءار ءسوزىن مۇقيات تىڭداپ وتىردىم. العان اسەردى جەتكىزۋ مۇمكىن ەمەس. اسىرەسە جەتىسۋ وبلىسى قۇرىلاتىنىن جەتكىزگەندە جانىمداعىلاردىڭ ءبارى قۋاندى. ەندى تەك بىلەك سىبانا كىرىسىپ جۇمىس اتقارىپ, ەرەكشە قورعالاتىن تابيعي اۋماقتاردى دامىتۋ, قورعاۋ سالاسىندا ايانباي ەڭبەك ەتۋ كەرەك. قازىرگى ۋاقىتتا ەلىمىزدە قۋانتارلىق جاڭالىقتاردىڭ ءبىرى ورمان شارۋاشىلىعى جانە جانۋارلار دۇنيەسى قىزمەتكەرلەرىنىڭ جالاقىسى كوتەرىلىپ كەلەدى. وسى ورايدا وسكەلەڭ ۇرپاقتى ەرتە جاستان ماماندىققا بەيىمدەۋ ايرىقشا ماڭىزعا يە بولىپ تۇر. سونىمەن قاتار جاستار ءوزىنىڭ بولاشاق كاسىبىن سانالى تۇردە تاڭداۋى كەرەك.
ورمان – جەر بەتىندەگى تابيعي قورلاردىڭ بايلىعى. پرەزيدەنت تاپسىرماسى بويىنشا 5 جىل ىشىندە ورمان قورىنا 2 ملرد اعاش وتىرعىزىلادى. وسىعان قاراپ-اق سابىربەك بازارالى ۇلى سەكىلدى ازاماتتاردىڭ ەڭبەگى باعالاناتىن كۇن الىس ەمەستىگىن تۇسىنۋگە بولاتىنداي.
بوتاگوز ساعىنعاليەۆا «جوڭعار الاتاۋى» مۇتپ
ەكولوگيالىق اعارتۋ ينجەنەرى
