قوعامنىڭ بىرلىگى ناتيجەلى رەفورماعا ۇلاسادى

مەملەكەت باسشىسى ناقتى تاپسىرمالارى ارقىلى قازاقستاننىڭ ساياسي اۋىسۋلار جۇيەسىن كەزەڭ-كەزەڭمەن قالىپتاستىردى. ونىڭ ىشىندە, اسكەرلەردىڭ جاۋىنگەرلىك ازىرلىگى مەن قابىلەتىن ارتتىرۋعا, اسكەري قىزمەتتىڭ بەدەلىن كوتەرۋگە جانە جەكە قۇرامنىڭ جاۋىنگەرلىك رۋحىن قولداۋعا باعىتتالعان قارۋ­لى كۇشتەردى جاڭعىرتۋ ىسكە اسىرىلۋدا.

ايتىلعان رەفورمالاردىڭ مازمۇنى جانە اكىمشىلىك-اۋماق­تىق جاڭالىقتار شىن مانىندە تاريحي تۇرعىدا ماڭىزدى. بۇل رەتتە جولداۋ ازاماتتاردى جاڭا قازاق­ستاندى قۇرۋعا تارتۋ ءۇشىن كوپ مۇمكىندىكتەر بەرەتىنىن ايرىقشا اتاپ وتۋگە بولادى.

سايلاۋ زاڭناماسىنداعى, پارلا­مەنتتىك جانە پارتيالىق قۇرى­لىستاعى, جەرگىلىكتى ءوزىن-ءوزى با­سقارۋدى دامىتۋداعى, پرەزي­دەنت پەن اكىمدەردى ساياسي پار­تيا­لاردىڭ قىزمەتىنەن الشاقتا­تۋداعى وزگەرىستەردى اتاپ ءوتۋدىڭ ءوزى جەتكىلىكتى. حالىقارا­لىق نور­­مالارعا سايكەس ازاماتتار­دىڭ قۇ­­قى­قتارىن ساقتاۋ جونىندەگى جۇ­مىس كۇشەيتىلىپ, كونستيتۋ­تسيا­لىق سوت قايتا قۇرىلاتىن بولدى.

پرەزيدەنتتىڭ قازاقستان حال­قىنا جولداۋىندا ايتىلعان سايا­سي يننوۆاتسيالار, ءبىر جاعى­نان, دەموكراتيالىق باستاۋلاردى نىعايتسا, ەكىنشى جاعىنان, مەملە­كەتتىڭ تۇراقتىلىعىن ارتتىرۋعا جۇمىس ىستەيدى.

قاڭتار وقيعاسى ازاماتتاردىڭ بوستاندىقتارى مەن ۇلتتىق قاۋىپ­سىزدىكتىڭ باسىمدىقتارى اراسىن­داعى تەپە-تەڭدىكتىڭ قانشالىقتى ماڭىزدى ەكەنىن كورسەتىپ بەردى. بۇل قۇندىلىقتار مەملەكەتتىڭ ەگەمەندىگىن, اۋماقتىق تۇتاستىعىن قورعاۋدان جانە حالىقتىڭ تۇپكى مۇددەلەرىن قامتاماسىز ەتۋدەن تۇرادى دەپ اتاپ ءوتتى مەملەكەت باسشىسى.

بۇل تۇرعىدا بۇگىندە قارۋلى كۇشتەردە دە رەفورمالاۋ پروتسەسى جۇرگىزىلۋدە. گيبريدتى قاۋىپتەر كوبەيىپ جاتقان ۋاقىتتا ۇيىمدىق, تەحنيكالىق جانە تەحنولوگيالىق دەڭگەيلەر وزگەرۋدە. اسكەرلەردىڭ جاۋىنگەرلىك دايارلىق جوسپارلارىنا تۇزەتۋلەر ەنگىزىلەدى. بۇل رەتتە ستاندارتتى ەمەس مىندەتتەردى ورىنداۋعا, شەشىمدەردى جەدەل قابىل­داۋعا جانە ۆەدومستۆو­ارا­لىق ۇيلەستىرۋگە ەرەكشە نازار اۋدارىلاتىن بولادى.

پرەزيدەنتتىڭ جارلىعى بو­يىنشا قورعانىس مينيسترلىگىنە قارايتىن ارنايى وپەراتسيالار كۇشتەرىنىڭ قولباسشىلىعى قۇرىلدى. ولارعا اسا كۇردەلى مىن­دەتتەردى ورىنداۋ, سونىڭ ىشىندە تەرروريزمگە قارسى وپەراتسيالارعا قاتىسۋ جانە زاڭسىز قارۋلى قۇرا­لىمدارعا قارسى ءىس-قيمىل جۇرگىزۋ جۇكتەلگەن.

اسكەرلەردى اقپاراتتاندىرۋ جانە روبوتتاندىرۋ دەڭگەيىن ارتتىرىپ, مەملەكەتتىك ورگاندارمەن ينتەگراتسيالانعان اسكەرلەردى باسقارۋدىڭ اۆتوماتتاندىرىلعان جۇيەلەرىن دامىتۋعا قاتىستى جۇمىس ىستەيمىز. 

پرەزيدەنت جاريالاعان رەفور­مالاردىڭ ناتيجەلى بولۋى قوعام­نىڭ بىرلىگى مەن تۇتاستىعىنا باي­لا­نىستى ەكەنى ءسوزسىز. اسكەرگە ار­نالعان جوبادا ءبىزدىڭ كۇشىمىز – كاسى­بي بىلىكتە, جاۋىنگەرلىك ما­شىق پەن قاتاڭ تارتىپتە دەپ ايتار ەدىم.

مىنە, وسىنداي جاعدايدا عانا قاسيەتتى وتانىمىزدىڭ نەگىزى بەرىك, ال مەملەكەتىمىز بەدەلدى بولارى انىق. مەملەكەت باسشىسى­نىڭ بۇل ماڭىزدى جولداۋىن ءار قازاقستاندىق جىلى قابىلدادى دەپ ويلايمىن.

رۋسلان جاقسىلىقوۆ,

قازاقستان رەسپۋبليكاسىنىڭ قورعانىس ءمينيسترى