الدىمەن ايتا كەتۋ كەرەك, مەملەكەت باسشىسىنىڭ بىرقاتار باستاماسى كوپشىلىك حالىقتىڭ جانە وپپوزيتسيا وكىلدەرىنىڭ كوڭىلىنەن شىقتى. بۇل ساياسي پارتيالار مەن سايلاۋ تۋرالى زاڭدار تۋرالى ايتقاندا. ەندىگى كەزەكتە ساياسات الاڭىندا ءوز كوزقاراستارىمەن جاڭا پارتيالار پايدا بولاتىنى انىق. الايدا بۇل Aماnات پارتياسىنىڭ بەدەلى مەن پارتيالاستار سانى ازايادى دەگەن ءسوز ەمەس. بۇل ءبىزدىڭ پارتيامىزدىڭ ءوز جۇمىسىنا جاڭادان كوزقاراسپەن, حالىقپەن ودان دا تىعىس جۇمىس ىستەۋگە ىنتالاندىراتىنى انىق. قاڭتار وقيعاسى بىزگە قازىرگى ۋاقىتتا ودان ءارى ساياسي رەفورمالاردى جىلدام قارقىنمەن جۇرگىزىلۋى كەرەكتىگىن كورسەتتى. پرەزيدەنتتىڭ, ەسەپ كوميتەتى مەن كونستيتۋتسيالىق كەڭەستىڭ توراعالارى مەن مۇشەلەرىن پارتيا مۇشەسى بولماۋى تۋرالى شەشىم ەلىمىزدەگى بارلىق پارتيالارعا تەڭ مۇمكىندىك بەرىپ, ولارعا بىردەي جاعداي جاسالاتىنىنىڭ بىردەن-ءبىر بەلگىسى. ەندىگى كەزەكتە وبلىس, قالا, اۋدان, اۋىل اكىمدەرى مەن ورىنباسارلارى جەرگىلىكتى پارتيا توراعاسى بولا المايدى. بۇل ۇسىنىسقا پارتيا مۇشەلەرى دە كەلىسەتىنى ءسوزسىز. سەبەبى جەرگىلىكتى ماسليحاتتاعى فراكتسيالاردىڭ جۇمىسى جاندانىپ, اكىمدەر پارتيانى اكىمشىلىكتىڭ ءبىر ءبولىمى دەپ ساناۋدى قويىپ, پارتيالارمەن ساناساتىن بولادى. پرەزيدەنت ايتقانداي, ەندى پارتيا مەن مەملەكەتتىك ورگانداردىڭ جۇمىستارىن ءبولىپ, اجىراتىپ الۋىمىز كەرەك. بۇل – سول باستامالاردىڭ ءبىرى.
جولداۋدا ءبىر جاعىنان حالىق قالاعان ساتتەر بولدى, ال ەكىنشى جاعىنان توسىنسىي بولاتىن وزگەرىستەر ايتىلدى.ول بىردەن ءۇش وبلىس – ۇلىتاۋ, اباي جانە جەتىسۋدى قۇرۋ (نەمەسە قايتا قۇرۋ) تۋرالى بولىپ وتىر.
جەزقازعان ايماعىنا باسا نازار اۋدارا وتىرىپ, كەيبىر وبلىستاردىڭ ءوڭىر ورتالىعىنان الىس ورنالاسۋى كوپتەگەن الەۋمەتتىك, ەكونوميكالىق ماسەلەردى دەر كەزىندە شەشىلۋىنە توسقاۋىل بولىپ جاتقانى ءمالىم. ءتىپتى حالىققا دا وبلىس ورتالىعىنا بارىپ-قايتۋ كوپ ۋاقىت پەن قارجى الاتىنى بار. مەنىڭ ويىمشا, بۇل دۇرىس شەشىم. ارينە, ەلوردا نەمەسە الماتى قالاسىنىڭ تۇرعىندارى ءۇشىن بۇل – ماڭىزدى ەمەس, ءتىپتى بيۋدجەتتەن ارتىق اقشا جۇمساۋ سياقتى كورىنۋى مۇمكىن, بىراق حالىقتىڭ مۇقتاجدىقتارىن ەسكەرۋ قاجەت. جەزقازعان مەن سەمەي تۇرعىندارىنىڭ اراسىندا بۇل باستامانى قولدايتىندار از ەمەس. قالاي بولعاندا دا, بۇل ايماقتاردى الەۋمەتتىك-ەكونوميكالىق دامۋدىڭ جاڭا دەڭگەيىنە كوتەرۋگە مۇمكىندىك بەرەدى. سونىمەن قاتار يدەولوگيالىق اسپەكت پەن ۇلتتىق تاريح تۋرالى ۇمىتۋعا بولمايدى. ۇلىتاۋ – گەوگرافيالىق جاعىنان عانا ەمەس, رۋحاني جاعىنان دا قازاقستاننىڭ جۇرەگى. جەتىسۋعا كەلەتىن بولساق, باستى اسپەكت – قاسىم-جومارت كەمەل ۇلىنىڭ ونىڭ اكىمشىلىك ورتالىعىنا دىنمۇحامەد قوناەۆ اتىن بەرۋگە تىكەلەي ۇسىنىس جاساۋى. وسىنىڭ بارلىعى قازاق بىرەگەيلىگىنىڭ دامۋىنا وڭ اسەر ەتەدى. مەملەكەت باسشىسى ءسوزىنىڭ سوڭىندا ءوزىنىڭ باستى مىندەتى ەلدىڭ تاۋەلسىزدىگى مەن اۋماقتىق تۇتاستىعىن ساقتاۋ دەپ اتاپ ءوتتى.
عاني تاشقاراەۆ,
پارلامەنت ءماجىلىسىنىڭ دەپۋتاتى
