بۇل كۇنى العىس ارقالاعان جۋرناليستەردىڭ وبلىستاعى باق سالاسىنا قوسىپ كەلە جاتقان ۇلەستەرى زور. اتاپ ايتساق, وبلىستىق «Didar» گازەتىنىڭ باس رەداكتورى ءۋاليحان توقپاتاەۆ ءوڭىر جۋرناليستيكاسىن دامىتۋداعى سان جىلعى ەڭبەگى جۋرناليستەر وداعى تاراپىنان باعالانىپ, العىس حاتپەن ماراپاتتادى. ال, ءوڭىر جۋرناليستيكاسىن دامىتۋعا قوسقان ۇلەسى ءۇشىن وبلىستىق «مەنىڭ ولكەم» گازەتىنىڭ ديرەكتورى ەربولات مۇقاجانوۆ, وڭىردەگى وزەكتى ماسەلەلەردى باتىل كوتەرگەنى ءۇشىن رەسپۋبليكالىق «كازاحستانسكايا پراۆدا» گازەتىنىڭ شىعىس قازاقستان وبلىسىنداعى مەنشىكتى ءتىلشىسى گالينا ۆولوگودسكايا ماراپاتتالادى.
جۋرناليستەر وداعىنىڭ شقو-داعى فيليالى زەينەتتەگى تىلشىلەردى دە ۇمىت قالدىرمادى. سان جىلعى ەڭبەگى ءۇشىن وبلىستىق «رۋدنىي التاي» گازەتىنىڭ ارداگەرى قابدۋلقايىر قۇدايبەرگەنوۆكە العىس حات تابىستالدى. ول ورىس تىلىندە قازاق ءتىلىنىڭ ماسەلەسىن سان مارتە قاۋزاعانى وقىرمانداردىڭ ەسىندە.
– شارانىڭ ماقساتى – كۇن مەن ءتۇن تەڭەلەتىن ءاز ناۋرىز مەرەكەسى قارساڭىندا وڭىردەگى وزەكتى ماسەلەلەردى باتىل كوتەرىپ جۇرگەن ارىپتەستەرىمىزدىڭ ەڭبەگىن ەلەپ-ەسكەرۋ. اعا بۋىن وكىلدەرىنە ءىلتيپات تانىتۋ, ۇرپاقتار ساباقتاستىعىن جالعاستىرۋ. ماسەلەن, وسى شارا اياسىندا وبلىستىق «رۋدنىي التاي» گازەتىندە ۇزاق جىل قىزمەت اتقارعان, قازاقتىڭ ماسەلەسىن ورىس تىلىندە جەتكىزگەن, قازىر دەنساۋلىق جاعدايىنا بايلانىستى ۇيدە وتىرعان قابدىلقايىر قۇدايبەرگەنوۆكە قۇرمەت كورسەتتىك. وبلىستىق «ديدار» گازەتىندە 40 جىىلدان استام ەڭبەك ەتىپ جۇرگەن ءۋاليحان توقپاتاەۆقا العىس ايتتىق. مۇنداي ايتارى بار, جازارى بار ارداگەر جۋرناليستەردى قالام ۇستاعان جاس بۋىن وكىلدەرى ءبىلۋى ءتيىس, – دەيدى قر جۋرناليستەر وداعىنىڭ شقو فيليالىنىڭ جەتەكشىسى ازامات قاسىم.
سونىمەن قاتار, «حابار-24» تەلەارناسىنىڭ شىعىس قازاقستانداعى مەنشىكتى ءتىلشىسى ەلميرا احمەتوۆا, «QAZAQSTAN» ۇلتتىق ارناسىنىڭ سەمەيدەگى مەنشىكتى ءتىلشىسى ەرجان جاقىپ, «Atameken Business» تەلەارناسىنىڭ وبلىستاعى مەنشىكتى ءتىلشىسى جانبولات سانياز, وبلىستىق «ەرتىس ءوڭىرى» گازەتىنىڭ باس رەداكتورى ءساتجان كارىپباەۆ, رەسپۋبليكالىق «Egemen Qazaqstan» گازەتىنىڭ شىعىس قازاقستان وبلىسىنداعى مەنشىكتى ءتىلشىسى مەرەي قاينار ۇلى,وبلىستىق «Altai» تەلەارناسىنىڭ رەداكتورى اننا كوتسارەۆا, كوكپەكتى اۋداندىق «جۇلدىز» گازەتىنىڭ رەداكتورى دارحان بەردىبەك ماراپاتتالادى.
جيىن سوڭىندا قر جۋرناليستەر وداعىنىڭ شقو فيليالى ديرەكتورى ازامات قاسىم تىلشىلەر اتىنان اتالعان شاراعا دەمەۋشىلىك كورسەتكەن «كازتسينك» كومپانياسىنىڭ اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆكە, جانە اياگوز, ۇلان, كاتونقاراعاي, بەسقاراعاي, كوكپەكتى اۋداندارىنىڭ اكىمدەرىنە جانە كاسىپكەر, بەلگىلى رەستوراتور مۇحتار تويبازاروۆقا العىس ءبىلدىردى.
