وسىعان وراي سولتۇستىك قازاقستان وبلىستىق پروكۋراتۋراسى رەسمي حابارلاما تاراتتى. وندا ەشقانداي الىپ-قاشپا اڭگىمەلەرگە نەگىز جوق ەكەندىگى ايتىلعان. ءۇيىندىنىڭ استىندا قالعان ادامدى تجد قىزمەتكەرلەرى قۇتقارۋ جۇمىسىمەن اينالىسۋدا.
سونىمەن بىرگە پروكۋراتۋرا قازاندىقتاردىڭ جۇمىسى توقتاماعانىن, جىلۋ بەرەتىن قوسىمشا قازاندىق ىسكە قوسىلىپ, قالاعا جىلۋ بەرۋ ۇزىلمەگەنىن جەتكىزدى. ال حالىقتى دۇرلىكتىرەتىن جالعان حابار تاراتۋشىلار قىلمىستىق كودەكستىڭ 274 بابىمەن جاۋاپكەرشىلىككە تارتىلاتىنى دا جەتكىزىلدى.
قازىر كوپقاباتتى ۇيلەردىڭ تۇرعىندارى جىلۋ ازايدى دەگەن شاعىم ايتا قويعان جوق. بىراق جاماندىققا جانى قۇمار بىرەۋلەر ۇرەي تۋدىرۋعا جانتالاسۋدا ەكەنى دە جاسىرىن ەمەس. وندايلار ايتەۋىر ءبىر جاماندىقتى ىزدەپ جۇرەدى. قازىر مۇرجانىڭ قۇلاۋ سەبەبى انىقتالۋدا. كەشە پەتروپاۆلدا قاتتى جەل بولعان ەدى, مۇجىلگەن مۇرجانىڭ قۇلاۋىنا نەگىزىنەن سول سەبەپ بولعانى انىق.
