كورنەكى فوتو: NUR.KZ/ۆلاديمير ترەتياكوۆ
«قولما-قول ۆاليۋتالاردى جوعارىدا كورسەتىلگەن ۆاليۋتا ايىرباستاۋ پۋنكتەرى ارقىلى ايىرباستاۋ – قارجى قىزمەتىن پايدالانۋشىلار قۇقىعىنىڭ قورعالۋىن قامتاماسىز ەتەدى. جۇمىس ىستەپ تۇرعان بانكتىك ەمەس ايىرباستاۋ پۋنكتەرىنىڭ مەكەنجايى مەن قوسىمشا اقپاراتتاردى قۇب-تىڭ سايتىنان الۋعا بولادى.
سونداي-اق قۇب ءتيىستى ليتسەنزياسىز ايىرباستاۋ وپەراتسيالارىن جۇرگىزۋ زاڭسىز كاسىپكەرلىك تۇرىنە جاتاتىندىعىن, ول ءۇشىن قر اكىمشىلىك قۇقىقبۇزۋشىلىق تۋرالى كودەكسىنىڭ 155, 463-باپتارىمەن جانە قر قىلمىستىق كودەكسىنىڭ 214-بابىمەن اكىمشىلىك جانە قىلمىستىق جاۋاپكەرشىلىك كوزدەلگەنىن ەسكەرتەدى. زاڭسىز دەلدالدار, ونىڭ ىشىندە ينتەرنەت الاڭدارى مەن الەۋمەتتىك جەلىلەر ارقىلى ايىرباستاۋ وپەراتسيالارىن جۇرگىزۋدى ۇسىنۋ – زاڭسىز سانالادى جانە جالعان مونەتا جاساۋشىلارمەن مامىلە جاساۋ قاۋپىن تۋدىرادى.
قۇب مۇددەلى مەملەكەتتىك جانە قۇقىق قورعاۋ ورگاندارىمەن بىرلەسىپ, ىشكى قولما-قول شەتەل ۆاليۋتاسى نارىعىنداعى جاعدايعا تۇراقتى مونيتورينگ جۇرگىزىپ كەلەدى.
قازىرگى ۋاقىتتا قازاقستان رەسپۋبليكاسىندا ۆاليۋتا ايىرباستاۋدىڭ, سول سياقتى تولەم كارتوچكالارىن پايدالانۋ, ونلاين-بانكينگ سەكىلدى بالاما تۇرلەرى دە قاراستىرىلعان, ولار الدەقايدا قولجەتىمدى ءارى 24/7 رەجيمىندە قاۋىپسىز قىزمەت كورسەتەدى.
ەسكە سالا كەتەيىك, قارجىلىق تۇراقتىلىققا تونەر قاۋىپ-قاتەردىڭ الدىن الۋ جانە سپەكۋلياتيۆتى قىسىمدى تومەندەتۋ ماقساتىندا 2022 جىلدىڭ 14 ناۋرىزىندا «قازاقستان رەسپۋبليكاسىندا قارجىلىق تۇراقتىلىقتى قامتاماسىز ەتۋ شارالارى تۋرالى» قازاقستان رەسپۋبلكاسى پرەزيدەنتىنىڭ جارلىعى قابىلدانعان بولاتىن.
قازىرگى تاڭدا قولما-قول شەتەل ۆاليۋتاسىمەن قامتاماسىز ەتۋ ماسەلەسى تۇراقتالدى, تۇرعىندار تاراپىنان سۇرانىسقا قاتىستى دۇرلىگۋ بايقالمايدى.
ەل ىشىندە ىشكى ۆاليۋتا نارىعىنىڭ تۇراقتىلىعىن قامتاماسىز ەتۋگە ىقپالداسۋ ماقساتىندا قۇب ەكىنىشى دەڭگەيلى بانكتەردى قاجەتتىلىگىنە قاراي قولما-قول شەتەل ۆاليۋتاسىمەن قامسىزداندىرىپ وتىر» دەلىنگەن حابارلامادا.
