«قازاقستان پرەزيدەنتى قاسىم-جومارت توقاەۆ ءوز كابينەتىنىڭ وكىلەتتىكتەرىن شەكتەۋ ءۇشىن كونستيتۋتسيالىق رەفورمالاردى ۇسىنىپ, ەلدىڭ سۋپەرپرەزيدەنتتىك باسقارۋدان كۇشتى پارلامەنتى بار پرەزيدەنتتىك رەسپۋبليكاعا كوشۋى قاجەت ەكەنىن ايتتى» دەيدى تاياۋشىعىستىق باسىلىم.
ورتالىق ازيا ەلىنىڭ پارلامەنتىندە سويلەگەن سوزىندە توقاەۆتىڭ كەيبىر زاڭنامالىق وزگەرىستەردى الىپ تاستاۋدى ۇسىنعانىن, اتاپ ايتقاندا, پارلامەنتتىك سايلاۋ جۇيەسىن وزگەرتۋگە جانە كونستيتۋتسيالىق سوتتى قالپىنا كەلتىرۋگە شاقىرعانىن جازدى.
«توقاەۆ سونىمەن بىرگە 1990-جىلدارى وزگە ايماقتارمەن بىرىكتىرىلگەن ءۇش وبلىستى قايتا قۇرۋدى, بيلەۋشى پارتيانى ۇكىمەتتەن الىستاتۋدى جانە پرەزيدەنت تىكەلەي نەمەسە جاناما تۇردە تاعايىندايتىن پارلامەنت دەپۋتاتتارىنىڭ سانىن ازايتۋدى قالايتىنىن ايتتى», دەلىنگەن حابارلامادا.
تاعى ءبىر ۇسىنىلعان رەفورما پارتيا قۇرۋعا قاجەتتى ادامداردىڭ سانىن 20 مىڭنان 5 مىڭعا تومەندەتۋ ارقىلى جاڭا ساياسي پارتيالاردى تىركەۋ جەڭىلدەتىلەتىنى ايتىلدى.
