«قۇقىقتىق ءتارتىپ» جەدەل الدىن الۋ ءىس-شاراسىن وتكىزۋ بارىسىندا شىعىس قازاقستان وبلىسىنىڭ پوليتسەيلەرى ايماقتىق قىلمىستىق-اتقارۋ جۇيەسى دەپارتامەنتىمەن بىرلەسىپ, وسكەمەن قالاسىنداعى گاراجداردىڭ بىرىندە قويماعا جاسىرىلعان قارۋ-جاراق ارسەنالىن تاپتى. ءتىنتۋ كەزىندە 7,62 مم كاليبرلى تت جاۋىنگەرلىك تاپانشا تابىلدى. ءدال سول تاپانشادا قوسىمشا 9 مم-دەن اتۋعا ارنالعان قولدان جاسالعان اۋىستىرىلاتىن ۇڭعى بولدى. يج-18 كەسىلگەن شولاق مىلتىق, ءارتۇرلى ونىڭ ىشىندە تيىسىنشە 5.45, 7.62 جانە 9 مم كاليبرلى 450-دەن استام مولشەردە وق-دارىلەر تاركىلەندى.
سوت-مەديتسينالىق ساراپتاما قورىتىندىسىنا سايكەس تاركىلەنگەن بارلىق قارۋلاردىڭ جاعدايى جاقسى جانە اتۋعا تولىق جارامدى.
شقو پد باستىعىنىڭ ورىنباسارى تالعات شاياحمەتوۆ اتاپ وتكەندەي, وسى فاكتى بويىنشا 47 جاستاعى ەر ادامعا قاتىستى قر قك-ءنىڭ 287-بابى 3-بولىگى (قارۋدى, وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا سانكتسياسى بەس جىلعا دەيىنگى مەرزىمگە باس بوستاندىعىنان ايىرۋدى كوزدەيتىن سوتقا دەيىنگى تەرگەۋ باستالدى.
