بۇل رەتتە قالالاردا تۇراتىن قازاقستاندىقتاردىڭ سانى – 11 ملن 389 مىڭ 200 ادامدى (59,5%), اۋىلدىق جەرلەردە – 7 ملن 754 مىڭ ادامدى (40,5%) قۇرادى.
ۇلتتىق بيۋرودا اتاپ وتكەندەي, 2021 جىلدىڭ 1 اقپانىمەن سالىستىرعاندا حالىق سانى 245,3 مىڭ ادامعا نەمەسە 1,3%-عا ءوستى.
2022 جىلعى قاڭتاردا رەسپۋبليكا حالقىنىڭ تابيعي ءوسىمى 2021 جىلعى قاڭتارمەن سالىستىرعاندا (21,7 مىڭ ادام) 17,3%-عا ازايدى جانە 17,9 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 10,98 ادامدى قۇرادى.
احات ورگاندارىنىڭ دەرەكتەرى بويىنشا وسى جىلدىڭ قاڭتار ايىندا تۋىلعاندار سانى 31,2 مىڭ ادامدى قۇرادى, بۇل 2021 جىلدىڭ ءتيىستى كەزەڭىنە قاراعاندا 8,7%-عا از (34,2 مىڭ ادام). تۋدىڭ جالپى كوەففيتسيەنتى 1000 ادامعا 19,10 تۋىلعانداردى قۇرادى.
بۇل رەتتە قايتىس بولعانداردىڭ سانى 13,3 مىڭ ادامدى قۇرادى, بۇل 2021 جىلعى قاڭتارعا قاراعاندا (12,5 مىڭ ادام) 6,3%-عا ارتىق. ءولىمنىڭ جالپى كوەففيتسيەنتى 1000 ادامعا شاققاندا 8,12 ءولىمدى قۇرادى.
وسى كەزەڭدە 1 جاسقا دەيىنگى 274 ءسابي قايتىس بولدى, 2021 جىلدىڭ ءتيىستى كەزەڭىمەن (241) سالىستىرعاندا بۇل كورسەتكىش 13,7%-عا ارتتى. نارەستەلەر ءولىمىنىڭ كوەففيتسيەنتى 1000 تۋىلعانعا 8,79 جاعدايدى قۇرادى.
