جاڭا قاۋلىعا سايكەس كەلەسى شارالاردىڭ كۇشىن جويۋ تۋرالى شەشىم قابىلداندى:
- «Ashyq» ءموبيلدى قوسىمشاسىن مىندەتتى تۇردە پايدالانۋ, بۇل رەتتە سۋبەكتىلەر «جاسىل» ايماقتا قوسىمشانى ەرىكتى تۇردە پايدالانا الادى;
- الەۋمەتتىك قاشىقتىقتى ساقتاۋعا قويىلاتىن تالاپتار;
- مىندەتتى تەرمومەتريا, ءۇي-جايلارعا/وبەكتىلەرگە كىرە بەرىستەگى تەرمومەتريا ءوز قالاۋى بويىنشا جۇزەگە اسىرىلادى;
- ءۇي-جايلاردا, قوعامدىق كولىكتە مىندەتتى تۇردە ماسكا كيۋ, ماسكا رەجيمىن ساقتاۋ;
- سovid-19-عا قارسى ۆاكتسينا الماعان قىزمەتكەرلەر ءۇشىن كۇندىزگى رەجيمدە جۇمىسقا رۇقسات بەرۋدى شەكتەۋ;
- ۆاحتالىق ادىسپەن جۇمىس ىستەيتىن ۇيىمداردىڭ قىزمەتكەرلەرى ءۇشىن ۆاحتاعا كىرگەن جانە شىققان كەزدە پتر ادىسىمەن مىندەتتى زەرتحانالىق تەستىلەۋ;
- 3 ايدان 6 ايعا دەيىن «جاسىل» مارتەبەنىڭ قولدانىلۋ مەرزىمى ۇزارتىلدى;
- كۇن سايىن «كىرىس» سۇزگىسىنە بايلانىسسىز تەرمومەترمەن تەرمومەتريا الىنىپ تاستالادى. بۇل رەتتە, «Ashyq» ءموبيلدى قوسىمشاسىن پايدالانۋ, الەۋمەتتىك قاشىقتىقتى ساقتاۋ جانە تەرمومەتريانى جۇرگىزۋ ءبىلىم بەرۋ ۇيىمدارى اكىمشىلىگىنىڭ شەشىمى بويىنشا ەرىكتى تۇردە جۇزەگە اسىرىلۋى مۇمكىن.
قاۋلى قول قويىلعان ساتتەن باستاپ كۇشىنە ەنەدى.
