بۇگىنگى جيىنعا ءماجىلىستىڭ 107 دەپۋتاتىنىڭ 103-ءى جانە سەناتتىڭ 49 دەپۋتاتىنىڭ 47-ءسى قاتىسىپ وتىر. پارلامەنتتە ءوتىپ جاتقان ءىس-شارا بارلىق رەسپۋبليكالىق تەلەارنالاردان تىكەلەي ەفيردە كورسەتىلىپ جاتىر.
پرەزيدەنتتىڭ بۇل جولداۋىندا جۋىق ارادا جۇزەگە اسىرىلاتىن ساياسي رەفورمالاردىڭ جاڭا باعدارلاماسى مەن الەۋمەتتىك-ەكونوميكالىق باعىتتا اتقارىلاتىن ءىس-شارالار تۋرالى ايتىلماق. بىرلەسكەن وتىرىسقا دەپۋتاتتىق كورپۋسپەن قاتار, قر پرەمەر-ءمينيسترى ءاليحان سمايىلوۆ باستاعان ۇكىمەت مۇشەلەرى, قر مەملەكەتتىك حاتشىسى ەرلان قارين, كونستيتۋتسيالىق كەڭەس پەن قر جوعارعى سوتىنىڭ توراعالارى مەن مۇشەلەرى, قر پرەزيدەنتىنە تىكەلەي ەسەپ بەرەتىن جانە باعىناتىن ورگان باسشىلارى, ۇلتتىق كومپانيالار مەن مەملەكەتتىك ۇيىمدار باسشىلارى قاتىسىپ جاتىر.
ايتا كەتەيىك, 11 ناۋرىزدا ءماجىلىس توراعاسى ەرلان قوشانوۆ پارلامەنت پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويدى.
