ۇكىمەت وتىرىسىنان كەيىن باق وكىلدەرى تاراپىنان ساۋدا جانە ينتەگراتسيا مينيسترىنە قانت باعاسىنىڭ قىمباتتاۋىنا بايلانىستى سۇراق قويىلدى.
ء«بىز قانت باعاسىن اقپارات جيناۋ ارقىلى عانا باقىلاپ, اينالىسىپ وتىرعان جوقپىز. ءوز باسىم جەكسەنبى كۇنى بىرنەشە ساۋدا نىسانىنا باردىم. ارينە, باعا قۇبىلىپ تۇر. ونى مەن دە راستايمىن. قانت باعاسى نەگىزىنەن سۇرانىس اسەرىنەن كوتەرىلىپ كەتتى. قازىر جەرگىلىكتى اتقارۋشى ورگاندارمەن باعانىڭ اقىلعا قونىمدى بولۋى ءۇشىن جۇمىس ىستەپ جاتىرمىز», دەدى ۆەدومستۆو باسشىسى.
سونداي-اق, ول قانتتىڭ كەلىسى 900 تەڭگەدەن ساتىلىپ جاتىر دەگەن اقپاراتپەن كەلىسپەيتىنىن ايتتى.
«باعا 400 تەڭگەدەن 600 تەڭگەگە دەيىن قۇبىلىپ تۇر. يمپورتتىق قانت دەپ جەكە ساتىپ جاتقاندار بار. مەن 900 تەڭگە دەگەن باعانى كورگەن جوقپىن», دەدى باقىت سۇلتانوۆ.
