اق ءۇي پولشاعا قاراي اۋە شابۋىلىنىڭ جاسالعانىنا الاڭداۋلى. رەسەي اسكەريلەرى كيەۆتى قورشاپ الدى. قارا تەڭىز جاقتان دا اۋە سوققىلار جاسالىپ جاتىر. سالدارىنان وسى ايماقتاعى 9 بەيبىت تۇرعىن قازا تاپتى.
بەيجىڭدەگى بيلىكتىڭ قانداي شەشىمگە كەلگەنى بەلگىسىز. بەلگىلىسى, رەسەي قىرىمدى باسىپ العاندا قىتايلار بەيتاراپ پوزيتسيا تانىتقان. ادەتتە شىعىستاعى كورشىمىز ءوز مۇددەسى بولماسا, باسقا ەلدەردىڭ ماسەلەسىنە ارالاسا قويمايدى. ونىڭ ۇستىنە بۇل جاقتا دا سايلاۋ جاقىنداپ قالدى. سي تسزينپين بۇل سايلاۋدا دا ءۇشىنشى رەت باعىن سىناعىسى كەلەدى.
