جۇلدە قورى 8,5 اقش دوللارىنان اساتىن جارىستىڭ 31-راكەتكاسى بولىپ تىركەلگەن ا.بۋبليك دودانى ەكىنشى اينالىمنان باستاپ, كەزىندە رەيتينگتە كوش باستاعان «ۇلكەن دۋلىعا» ءتۋرنيرىنىڭ ءۇش مارتە, ەكى دۇركىن وليمپيادا چەمپيونى, ۇلىبريتانيالىق ەندي ماررەيمەن كەزدەستى.
بيىل ا.بۋبليك روتتەردامدا ە.ماررەيدەن جەڭىلىپ قالعان بولاتىن. بۇل جولى ەكى ساعاتقا جۋىق ۋاقىتقا سوزىلعان تارتىستى باسەكەدە قازاقستاندىق تەننيسشى قازىرگى كەزدە رەيتينگتە 88-ورىندا تۇرعان اتاقتى قارسىلاسىن 7:6 (11:9), 6:3 ەسەبىمەن ۇتتى.
ا.بۋبليك ماتچ بارىسىندا 11 ەيس جاساپ, 5 برەيك-پوينتتىڭ بىرەۋىن پايدالاندى. ە.ماررەي 4 ەيسپەن شەكتەلدى. ا.بۋبليك ءۇشىنشى اينالىمدا الەمنىڭ 35-راكەتكاسى, بولگاريالىق گريگور ديميتروۆ نەمەسە رەيتينگتە 78-ساتىداعى اۋستراليالىق دجوردان تومپسوننىڭ بىرەۋىمەن تالاسادى.
