ءىس ساپار شەڭبەرىندە سلوۆاكيانىڭ سىرتقى جانە ەۋروپالىق ىستەر ءمينيسترى يۆان كورچوكپەن, ۇلتتىق كەڭەس توراعاسىنىڭ ورىنباسارى يۋراي بلانارمەن جانە ۇلتتىق كەڭەستىڭ حالىقارالىق ىستەر جونىندەگى كوميتەتىنىڭ توراعاسى ماريان كەريمەن, سلوۆاكيا پرەزيدەنتىنىڭ سىرتقى ساياسات جونىندەگى كەڭەسشىسى يانا كوبزوۆامەن, سىرتقى جانە ەۋروپالىق ىستەر مينيسترلىگىنىڭ (سەىم) ەرەكشە تاپسىرمالار جونىندەگى ەلشىسى, ەۋروپالىق وداقتىڭ ورتالىق ازيا بويىنشا بۇرىنعى ارنايى وكىلى پەتەر بۋريانمەن, سونداي-اق سلوۆاك ەكسپورتتاۋشىلارى كەڭەسىنىڭ (سەك) توراعاسى لۋكاش پاريزەكپەن جانە كوپتەگەن ىسكەرلىك توپتار وكىلدەرىمەن كەلىسسوزدەر جۇرگىزدى.
ر.ۆاسيلەنكو قازاقستانداعى جاعداي, قاڭتارداعى قايعىلى وقيعالار بويىنشا تەرگەۋ بارىسى, ادام قۇقىقتارىن ساقتاۋ جونىندەگى مەملەكەتتىڭ كەشەندى شارالارى, ۇلتتىق جانە حالىقارالىق قۇقىق قورعاۋ, ۇەۇ-مەن ءوزارا ءىس-قيمىل, پرەزيدەنت قاسىم-جومارت توقاەۆتىڭ «جاڭا قازاقستان» قۇرۋ باعىتىنا سايكەس جۇرگىزىلىپ جاتقان جانە جوسپارلانعان اۋقىمدى ساياسي جانە الەۋمەتتىك-ەكونوميكالىق رەفورمالار تۋرالى حاباردار ەتتى.
ودان بولەك كەزدەسۋدە ۋكرايناداعى جاعداي, حالىقارالىق قوعامداستىقتىڭ سوعىس قيمىلدارىن توقتاتۋ جانە گۋمانيتارلىق كومەك كورسەتۋ ماسەلەسى تالقىلاندى. ر.ۆاسيلەنكو ەلىمىزدىڭ بۇۇ جارعىسىنا سايكەس ۋكرايناداعى جاعدايدى بەيبىت جولمەن رەتتەۋ قاجەتتىلىگىن, دەلدالدىق قىزمەتتەر ارقىلى ديپلوماتيالىق جولمەن شەشۋگە جاردەمدەسۋگە دايىندىعى تۋرالى ۇستانىمىن جەتكىزدى.
سلوۆاكيا ۇلتتىق كەڭەسىنىڭ باسشىلىعىمەن كەزدەسۋ بارىسىندا قازىرگى ساياساتتاعى پارلامەنتتىك ديپلوماتيانىڭ ءرولى ارتا تۇسكەنى اتاپ ءوتىلدى جانە ەكى ەلدىڭ زاڭ شىعارۋشى ورگاندارى اراسىنداعى ىنتىماقتاستىقتى دامىتۋ جوسپارلارى بەلگىلەندى. ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ پەرسپەكتيۆالارىن تالقىلاي وتىرىپ, تاراپتار پاندەمياعا قاراماستان قازاقستان مەن سلوۆاكيا اراسىنداعى تاۋار اينالىمىنىڭ كولەمى 2021 جىلى 84 ملن دوللارعا جەتكەنىن, ياعني 2020 جىلعى كورسەتكىشتەن 21%-عا جوعارى ەكەنىن اتاپ ءوتتى.
سونىمەن قاتار ەكونوميكالىق جانە عىلىمي-تەحنيكالىق ىنتىماقتاستىق جونىندەگى قازاقستان – سلوۆاكيا ۇكىمەتارالىق كوميسسياسىنىڭ 9-نشى وتىرىسى شەڭبەرىندە قازاقستاننىڭ ينۆەستيتسيالار كوميتەتى مەن قازاقستان نارىعىنا شىعۋعا مۇددەلى Heneken مەتاللۋرگيالىق جانە ساۋدا كومپانياسى اراسىنداعى ءوزارا تۇسىنىستىك تۋرالى مەموراندۋمعا قول قويۋمەن جالعاسقان, ەكى ەلدىڭ ىسكەرلىك توپتار وكىلدەرىنىڭ قاتىسۋىمەن بيزنەس-فورۋم ءوتتى.
