بالالاردى بۋللينگ پەن كيبەربۋللينگتەن قورعاۋ جونىندەگى زاڭ جوباسىنا قاتىستى

بۇگىنگى تاڭدا باق پەن الەۋمەتتىك جەلىلەردە قابىلداناتىن زاڭ جوباسىنىڭ بىرقاتار نورمالارى بەلسەندى تالقىلانۋدا، الايدا جاريالانىمداردا كورسەتىلگەن اقپارات تولىق ەمەس ەكەنىن اتاپ وتەمىز.

قر پارلامەنتى ءماجىلىسى بالا قۇقىقتارىن قورعاۋ ماسەلەلەرى جونىندەگى زاڭ جوباسىن ماقۇلداعان ەكىنشى وقىلىمدا قازاقستاندا شەتەلدىك ونلاين-پلاتفورمالاردىڭ فيليالدارىن مىندەتتى تىركەۋ بويىنشا نورما جوق.

جاريالانىمداردا كوتەرىلگەن نورما 2021 جىلعى 15 قىركۇيەكتە زاڭ جوباسىنىڭ ءبىرىنشى وقىلىمىندا قارالعان زاڭ جوباسىنىڭ باستاپقى نۇسقاسىندا قاراستىرىلعان. سونىمەن قاتار، جالپى وتىرىس بارىسىندا اتالعان زاڭ جوباسى بويىنشا، ونىڭ ىشىندە جوعارىدا اتالعان نورمانى قايتا قاراۋ بويىنشا ەسكەرتۋلەر بەرىلدى.

وسىلايشا، زاڭ جوباسىنىڭ جۇمىس توپتارىنىڭ وتىرىسى اياسىندا بىرقاتار نورمالار قايتا قارالدى. تيىسىنشە فيليالدار نەمەسە وكىلدىكتەر اشۋ جونىندەگى نورما قايتا وڭدەلدى جانە باق سالاسىنداعى ۋاكىلەتتى ورگانمەن ءوزارا ءىس-قيمىل جونىندەگى ۋاكىلدىڭ ءوزىنىڭ زاڭدى وكىلىن تاعايىنداۋعا جانە تەك شەتەلدىك الەۋمەتتىك جەلىلەردىڭ جانە مەسسەندجەرلەردىڭ ءبىر اي ىشىندە ولارعا قول جەتكىزۋ قازاقستان رەسپۋبليكاسىنىڭ اۋماعىنداعى ءجۇز مىڭنان استام پايدالانۋشىنى قۇرايتىن مىندەتتەرمەن اۋىستىرىلدى.

زياندى كونتەنتتى جويۋدىڭ ۋاقىت ارالىعىن بەلگىلەيتىن نورمانى ەنگىزۋ، ادەتتە، مۇنداي فاكتىلەردى قول جەتىمسىز انىقتاۋ مۇمكىن ەمەس جابىق توپتار مەن قاۋىمداستىقتاردا قۋدالاۋ ورىن الاتىندىعىمەن انىقتالادى. الەۋمەتتىك جەلىلەردە تانىمال بولعان سۋيتسيدتىك توپتار تۋرالى بارلىعى بىلەدى، وندا مونيتورينگ جاسوسپىرىمدەرگە قاتىستى سۋيتسيدتىك سيپاتتاعى كوپتەگەن ماتەريالداردى انىقتادى.

مينيسترلىكتىڭ الەۋمەتتىك جەلىلەردەن زاڭسىز ماتەريالداردى الىپ تاستاۋىنا بىرنەشە اي ۋاقىت كەتتى. مونيتورينگ قازىر جاسوسپىرىمدەرگە باعىتتالعان الەۋمەتتىك جەلىلەردەگى جاڭا توپتاردى تىركەۋدە.

بۇدان باسقا، بۇگىنگى كۇنى ۋاكىلەتتى ورگاننىڭ نۇسقامالارى الەۋمەتتىك جەلىلەرمەن ۇزاق ۋاقىت قارالادى، تيىسىنشە اقپاراتتى جويۋدىڭ وزەكتىلىگى جوعالادى جانە بالالارعا زيان كەلتىرەدى.

شىن مانىندە، ولاردىڭ ارەكەتتەرى كيبەربۋللينگ بىلىكتىلىگىنە تۇسەتىن جاعدايلاردى قوسپاعاندا، بۇل تۇزەتۋلەر قاراپايىم پايدالانۋشىلارعا تەرىس اسەر ەتپەيدى.

تۇتاستاي العاندا، تۇزەتۋلەردى ازىرلەۋ كەزىندە حالىقارالىق تاجىريبە ەگجەي-تەگجەيلى زەردەلەندى، ونىڭ قورىتىندىسى بويىنشا الەمدىك قوعامداستىق وسى سالانى زاڭنامالىق رەتتەۋگە ارەكەت جاساپ جاتقانى انىقتالدى. مىسالى، ەۋروپانىڭ كەيبىر ەلدەرىندە جەرگىلىكتى زاڭنامانىڭ ەرەكشەلىگىن ەسكەرە وتىرىپ، ينتەرنەت-كەڭىستىكتى قۇقىقتىق رەتتەۋ بويىنشا نورمالار قابىلداندى.

سونداي-اق، ەۋروپا، ازيا، وڭتۇستىك جانە سولتۇستىك امەريكا ەلدەرىندە ينتەرنەت-كەڭىستىكتى، ونىڭ ىشىندە الەۋمەتتىك جەلىلەر مەن مەسسەندجەرلەردى زاڭنامالىق رەتتەۋ بويىنشا جۇمىس جۇرگىزىلۋدە. تيىسىنشە، الەمدىك قاۋىمداستىق ماسەلەنىڭ ماڭىزدىلىعىن ءتۇسىنىپ، ءتيىستى جۇمىس جۇرگىزۋدە.

مينيسترلىك سوڭعى جىلدارى حالىقارالىق الەۋمەتتىك جەلىلەردىڭ يەلەرىمەن بەلسەندى ىنتىماقتاستىق ورناتۋدا، الەۋمەتتىك جەلىلەر كومپانياسىنىڭ وكىلدەرى - «ۆكونتاكتە»، «ودنوكلاسسنيكي»، «Mail.ru»، «Livejournal»، «Facebook»، «Instagram»، «Tik tok»، «linkendin»، «Telegram» مەسسەندجەرىمەن كەلىسسوزدەر جۇرگىزىلدى، ولار بۇل باستامانى وڭ قابىلدادى جانە وسى نورمالاردىڭ ورىندالۋىنا كەلىسىم ءبىلدىردى.

قازىرگى ۋاقىتتا شەتەلدىك الەۋمەتتىك جەلىلەر زاڭدى وكىلدى انىقتاۋ جانە تاعايىنداۋ بويىنشا جۇمىس جۇرگىزۋدە.

ينتەرنەت - كومپانيالاردىڭ وكىلدەرى جالپى العاندا حالىقارالىق قۇقىق پەن قازاقستان رەسپۋبليكاسى زاڭناماسىنىڭ تالاپتارىن بۇزاتىن قۇقىققا قارسى كونتەنتتى جويۋ ماسەلەلەرىندەگى ىنتىماقتاستىق تۋرالى ۇسىنىستاردى تۇسىنىستىكپەن قابىلدايدى.

سونىمەن قاتار، قازاقستان رەسپۋبليكاسىنىڭ زاڭناماسىندا تسەنزۋراعا تىيىم سالىنعانىن اتاپ وتەمىز. تيىسىنشە، ۇسىنىلىپ وتىرعان نورمالار حالىقارالىق قۇقىق نورمالارىنا جانە قر زاڭناماسىنىڭ قولدانىستاعى نورمالارىنا قايشى كەلمەيدى.

ءوز كەزەگىندە، مينيسترلىككە زاڭ جوباسىنىڭ نوۆەللالارىنا سايكەس الەۋمەتتىك جەلىلەر مەن مەسسەندجەرلەردىڭ ەركىن قىزمەتىنە كەدەرگى كەلتىرەتىن جانە پىكىر ءبىلدىرۋ بوستاندىعىن شەكتەيتىن قۇزىرەت بەرىلمەيدى.