تۇرعىندار ايىرباستاۋ پۋنكتەرى مەن بانكتەردە قولما-قول دوللار مەن ۆاليۋتالىق دەپوزيتتەن قاراجات الۋ مۇمكىن ەمەس ەكەنىن ايتىپ شاعىمدانۋدا.
«ايىرباستاۋ پۋنكتەرىندە جانە ەكىنشى دەڭگەيلى بانكتەردە قولما-قول دوللاردى ساتۋعا نەمەسە شىعارىپ الۋعا شەكتەۋ قويۋعا قاتىستى كوپ ساۋال ءتۇستى. ۇلتتىق بانك شەتەلدىك ۆاليۋتاداعى وپەراتسيالارعا شەكتەۋ ەنگىزۋ تۋرالى قاۋلى نەمەسە باسقا دا زاڭدا تاۋەلدى اكتىلەر قابىلداماعانىن حابارلايدى», دەپ جازىلعان اقپاراتتا.
ۇلتتىق بانكتىڭ مالىمەتىنشە, قولما-قول شەتەل ۆاليۋتاسىن بەرۋدە تۋىنداعان قيىندىقتار, ءبىرىنشى كەزەكتە, حالىق تاراپىنان سۇرانىستىڭ ارتۋىمەن, سونداي-اق شيەلەنىسكەن گەوساياسي جاعداي اياسىندا قازاقستانعا باسقا ەلدەردەن قولما-قول شەتەل ۆاليۋتاسىن جەتكىزۋدەگى لوگيستيكالىق قيىندىقتارمەن بايلانىستى.
وسى جاعدايدى ەسكەرە وتىرىپ, ۇلتتىق بانك فەدەرالدى رەزەرۆتىك جۇيەدەن – اقش ورتالىق بانكىنەن قولما-قول شەتەل ۆاليۋتاسىنىڭ قوسىمشا كولەمىن جەتكىزۋ ماسەلەسىن بەلسەندى تۇردە پىسىقتاۋدا. سونداي-اق دوللار تۇرىندەگى قولما-قول اقشانى ۋاقتىلى جەتكىزۋدى قامتاماسىز ەتۋ ءۇشىن كولىك كومپانيالارىمەن بارلىق قاجەتتى كەلىسىمدەر بار ەكەنىن حابارلايمىز», دەدى بانكتىڭ ءباسپاسوز قىزمەتى.
