الماتى قالالىق پوليتسيا دەپارتامەنتى جول اپاتى 11 ناۋرىز كۇنى ساعات 00:10-دا بولعانىن حابارلادى.
«Lexus RX-300 ماركالى اۆتوكولىكتىڭ جۇرگىزۋشىسى وجەت شاعىن اۋدانىنداعى ءسۇمبىل كوشەسىمەن وڭتۇستىك باعىتتا كەلە جاتىپ, كولىكتى باسقارا الماي, جەكە ءۇيدىڭ قورشاۋىنداعى كونتەينەرگە سوعىلدى. وقيعا ورنىندا 2004 جىلى تۋعان جولاۋشى كوز جۇمدى. كولىك جۇرگىزۋشىسى مەن ونىڭ ەكى جولاۋشىسى ءتۇرلى جاراقاتپەن قالالىق اۋرۋحانالاردىڭ بىرىنە جەتكىزىلدى», - دەدى الماتى قالاسى پد انىقتاۋ باسقارماسىنىڭ باستىعى پوليتسيا پودپولكوۆنيگى ولجاس ءشارىپوۆ.
اتالعان فاكت قر قك 345-بابى 3-بولىگى «ابايسىزدا ادام ولىمىنە اكەپ سوققان جول ءجۇرۋ قاعيدالارىن بۇزۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلدى. ءتيىستى ساراپتاما تاعايىندالدى.
