كەشە, 10 ناۋرىزدا قر مادەنيەت جانە سپورت مينيسترلىگىندە داۋرەن اباەۆ ەلىمىزدەگى كينويندۋستريانى دامىتۋ ماسەلەلەرى بويىنشا كەڭەس وتكىزدى. وعان كينوپروكات نارىعىندا تانىلعان وتاندىق كومپانيا باسشىلارى قاتىسقان.
«قازىرگى ۋاقىتتا شەتەلدىك كومپانيالارمەن بارلىق قاجەتتى كەلىسسوز جۇرگىزىلىپ جاتىر. گولليۆۋدتىڭ ءۇش ستۋدياسى - Universal Pictures, Warner Bros. جانە Paramount Pictures – بۇرىن بەكىتىلگەن كەستەگە سايكەس قازاقستاندىق كورەرمەنگە كارتينالارىن ۇسىنۋدى جالعاستىرادى.
Walt Disney Company جانە Sony كومپانيالارىمەن وتاندىق كينوپروكاتشىلار قر مسم قاتىسۋىمەن تىكەلەي كەلىسسوزدەر جۇرگىزىپ جاتىر. ءتيىستى كەلىسىمدەرگە قولجەتكىزۋ ءۇشىن ايتارلىقتاي كەدەرگىلەر جوق», دەلىنگەن حابارلامادا.
ۆەدومستۆو مالىمەتىنشە, كەلىسسوزدەر ناتيجەسى مەن قازاقستاندىق كينوتەاترلاردىڭ ودان ارى جۇمىسى تۋرالى ەگجەي-تەگجەيلى اقپارات قوسىمشا حابارلانادى.
