كوللاجدى جاساعان امانگەلدى قياس, «EQ»
ناۋرىزدىڭ اق تۇتەك بورانى ءالى دە بۋىرقانىپ تۇر. ءتىپتى قاقاعان قاڭتار-اقپاندا دا ءدال مۇنداي بوران بولا قويعان جوق. اۋەلى ءسال عانا سىرعىما بولىپ باستالعان بوران از ۋاقىتتىڭ ىشىندە ات قۇلاعىن كورسەتپەيتىن الاپات كۇيگە ەندى. توتەنشە جاعدايلار قىزمەتىنە وكپە جوق, جەتىسىنەن سەگىزىنە قاراعان تۇندە بوران بولاتىندىعىن ايتىپ, الەۋمەتتىك جەلى ارقىلى ەسكەرتۋدەي-اق ەسكەرتتى. ايتسە دە بەيقامدىقتىڭ بەل الىپ كەتەتىنى بار.
قىرىق-ەلۋ اۆتوكولىك ءبىر-بىرىنە سوعىلىپ, جول ۇستىندە وشارىلىپ قالدى. بەينەبايانداعى كورىنىسكە قاراساڭىز, يمانىڭ قاسىم بولادى. ءبىر ادام وپات بولىپ, بىرنەشە ادام جارالاندى. 8 ناۋرىز كۇنى كوكشەتاۋ – نۇر-سۇلتان باعىتىنداعى كۇرە جولدىڭ بويىندا 85 جولاۋشى جول ۇستىندە قالدى. ايتەۋىر, قۇتقارۋشىلار دەر كەزىندە جەتىپ, اجال اۋزىنان الىپ قالدى. بۋراباي مەن ارشالى اۋداندارىنىڭ تۇسىندا كۇندىز-ءتۇنى كەزەكشىلىك ۇيىمداستىرىلدى.
ءوزىن دە, وزگەنى دە اۋرە-سارساڭعا سالاتىن وسىنداي جاۋاپسىزدىقتان قاشان ارىلار ەكەنبىز؟!
اقمولا وبلىسى
